ازيكم يا فتاكيت يا حلوين
انا مش حرغي كتير وحدخل في الموضوع على طول
انا يا جماعه بداية من اول ابريل بدأت مع سيبوتريم تركيز 10 كل يوم حبه
و كنت مبسوطه بيه جدا جدا وفعلا كان بيحسسني بالشبع وكان نتيجته باينه عليا
اخدت منه شريطين يعني 20 يوم الا ان اصبت بالبرد
في الاول حسيت بتعب قلت يمكن من البرد بس الغريب انه ماكنش نفس التعب كل مرة
يومها بليل بدأت افكر لاقيت نفسي مدروخة جدا ومصدعه قلت يمكن عادي بس انا مش حاخد من السيبوتريم بكرة عشان انا عارفة انه اصلا الماده اللي فيه دي بتشتغل على مراكز الشبع في المخ وانا اصلا حاسة بدوخة فبلاش منه وفعلا مااخدتهوش لغايه وقتنا ده
يعني بقالي 3 ايام وادي الرابع والنتيجة اللي شفتها ان كل الاعراض اللي قريتها عنه جاتلي من بعد دور البرد
صداع وانا قاعده ودوخة وانا واقفة طب ااقول انام مابنامش 3 ايام يا جماعه فكرة اني انام صعبة جدا وتقريبا بصحى كل نص ساعه
غير اني عايزة اعيط كل شوية من اللي انا فيه وبقول يمكن ده دور الاكتئاب اللي قالو عليه بس هو مش اكتئاب حاد يعني هو بس كل مابلاقي نفسي مش عارفة اعمل حاجة بحس اني عايزة اعيط
وكمان شبعانه جدا بقالي 3 ايام رغم اني مبطلاه
انا لغاية دلوقتي كل شوية ااقول اروح لدكتور اخد حاجة للموضوع ده ااقول بلاش هو اصلا كان بيشتغل على المخ فبلاش ازود ادوية وانا حوقفه وخلاص وربنا يسهل والاعراض تنسحب بشويش
بس انا قلت لازم اجي اقولكم لأني قبل كدة قلت هنا في المدونة في موضوع لفتوكة كانت بتسأل عنه وانا قلت اني باخده وهو كويس
فعشان ماحدش يقرا المشاركة دي و ياخده يرجع يتعب يدعي عليا انا ببرا ذمتي وبقول اللي حصل بجد
ماانكرش انه جاب نتيجة في الاول وانا فعلا كنت مرتبه اخده شهر كامل وارجع اخد مرة واحده كل اسبوع بس ده اللي حصل
كل طلبي انكم يا جماعه تدعولي بظهر الغيب ربنا يشفيني
ربنا يكرمكم كلكم
tamtam bogy tamtam bogy images/avatars/purpleflower.jpg فتكات رائعة Fatakat 161206 الاسكندرية – مصر