انا ياجماعه هحكيلكو ع تجربتي مع اشعه الصبغه انا عملتها النهرده وطبعا كنت خايفه ومتردده لحد وانا راحه وسالت هنا ف المنتدي ومحدش افادني
قلت بقي اتوكل علي الله هيا موته ولا اكتر رحت مركز الاشعه وقعدت مستنيه الدكتور ومقولكوش بقي الانتظار وحش كنت مرعوبه
اوبا الدكتور جه ونادالي ادخل اوضه الاشعه ودخلت وقعدت اقوله ادخل ماما معايا يقولي ابدا وبتاتا
انا بقي اترعبت وبنت معاه قالتلي اقلعي اوبا بقي دخلنا ف الغويط ونمت بقي قام جاي مدخل حاجه كده محستش بيها ولا ااى اندهاش المهم قعد يقولي انتي جدعه المهم قام حاطط الصبغه وربنا مايوريكو صوت بقي الدكتور ازبهل اى والله اتصدم وخلص بقي الصراحه الوجع مش اوفر اوي زي ماناس كتير بتقول هو مغص البريود بس بزياده حبتين بس تستحمليه المهم بعد ماخلص قال ف واحده مسدوده هنعمل تاني صبغه انا عملت كده
قام عامل بالصبغه تاني قمت مصوته تاني ماما بره وقفت تعيط ع صوتي والله صعبت عليا المشكله انها عارفه اني هواله وفافي
المهم خلصت وقمت قالي شفتي بسيطه ازاى وف انبوبه مسدوده عشان انا كنت بقوله هتتسد من ايه وقام كتبلي حقنتين ف بعض وخدتهم وكان فيه وجع زي البريود بسيط وراح ونزل شويه دم صغيرين وروحت
والله ياجماعه الاشعه دى بسيطه هو الوجع عشر دقايق بالظبط بس ضروري تخلو دكتور يعملها مش فني اشعه وربنا يرزقنا جميعا بالذريه الصالحه
بالله عليكو اللي يقرا الموضوع يدعيلي ربنا يرزقني الشهر ده انا وكل مشتاقه
noonaa2015 noonaa2015 فتكات نشيطة Fatakat 682052 المحله الكبرى – مصر
سبحان الله و بحمده