بسم الله الرحمن الرحيم
السلام عليكم ورحمة الله
ازيكم ياقمرات
يارب دايما تكونوا بخير ويحفظكم من كل سوء
انا عاوزه اكتب الموضوع من زمان بس خايفه تقولوا بفول عليكم بس طبعا احنا الستات المظلومين اللي محبوسين في المطبخ معرضين للاي حاجه سخنه فقلت اكتب وامري الي الله
انا كنت مريت بظروف لسعه بلاش كلمة حرق دي صعبه
كان وقع عليا حلة شربه وانا بنزلها من علي البوتاجاز من اول ركبي لغاية رجلي
طبعا كنت حاسه انني ادمرت وقلت خلاص رجلي هتبقي مشوهه وقعدت اعيط مش من الوجع بس لا كنت خايفه قوي من الاثار اللي بعد كده
المهم
اول ما وقعت عليا
ماما اتصلت علي بابا وقالتله (انا بابا طبيب بس في الخارج)
فقالها خليها تحط رجليها في مايه لغاية العشاء واحنا اساسا كنا صلاة العصر
ومكنتش مايه من التلاجه ولا حاجه لا مايه من الحنفيه وكل فتره اغيرها
وده علشان المايه تمتص كل الحراره اللي دخلت الجسم
وبعدها قعدت ادهن ايه بقي
عسل نحل بس يكون نضيف
ومرهم مضاد حيوي
مره ده ومره ده تقريبا طول اليوم
يعني مش مثلا مره الصبح ومره بالليل لا كنت اتوضي وادهن ومكنتش بغطيه ولا حاجه
في خلال اقل من شهر الحمد لله بفضله مبقاش اي اثر خالص خالص للحرق
كانت صحبتي قبلي بسنتين برضه وقع علي رجل واحده ليها براد شاي سخن وطبعا سوء العلاج
اولا اتبهدلت جامد وفضلت تلف هنا وهناك
وكانت عندي قريب ولسه اثر الحرق ظاهر مع انها كانت من 3 سنين
ربنا يحفظكم ويبعد عنكم كل سوء
لو عجبكم الموضوع قيموه ولو معجبكوش كفايه نوركم ياقمرات
بس اهم شيء متنسوش قبل ماتمشوا تدعولي ربنا يتمم خطوبتي علي خير لو فيها الخير ليا او يبدلنا بالخير
احبكم في الله
اللهم اختملي بسجده اللهم اختملي بسجده 240762_4.gif فتكات ست الكل Fatakat 240762 مصر – في نعمة وستر الله