مساء الجمال عليكم يا قمرات
ده ((الجزء التاني)) من تجربتي مع رجيم اللقيمات…
انا كنت قبل الجواز طبعا جسمى حلو وجميل بس طبعا بعد الولادات المتكررة باظ عود البان وتحول لشجرة كافور
حاولت طبعا انى اخسن بتقليل الاكل بس حب الخطيئة كان اقوى منى قلت اتابع مع دكتور روحت لمصطفى سارى وخسيت وبكميات بس بعد ما تركت الرجيم رجعت طبعا لحد ما الوزن وصل لارقام عالمية 103
والمهم ربنا هدانى للدكتور محمد الهاشمى روحت له ونظم ليا اكلى
والحمد لله دلوقت وصل وزنى لرقم ممتاز 72 كيلو بفضل ربنا والصبر فى مدة 9 شهور
انا طبعا اتمنى ان كل اللى بيشتكوا من الوزن الزايد يتخلصوا منه لان حياتى اتغيرت جدا والحمد لله
فعشان كدة فكرت افيدكم بتجربتي واللي نفسي تعيشوها انتو كمان وفكرت اعمل جروب اتابعكم فيه وافيدكم بمعلوماتي البسيطة…..
لوعايزة تخسي؟
لوعايزة تغيري حياتك؟
لوعايزة حد يشجعك؟
اكيد هتلاقيينا معاكي
الطريق طويل بس الهدف يستحق المعاناه
يلا ايدك في ايدي عشان نحقق هدفنا ونبقي احلي
وكمان نرضي ربنا وحبيبنا النبي صلي لله عليه وسلم
فقد قال المولي عز وجل
( وكُلُواْ وَاشْرَبُواْ وَلاَ تُسْرِفُواْ ) [الأعراف:31].
وقال النبي صلي الله عليه وسلم::
( ما ملأ ابن آدم وعاءً شرّاً من بطن،
بحسب ابن آدم لقيمات يقمن صلبه،
فإن كان لا محالة فثلث لطعامه، وثلث لشرابه، وثلث لنفسه )
[أخرجه أحمد:4132، وصححه الألباني]
فاذا اردنا الرشاقة
فعلينا اتباع هدي نبينا محمد صلي االله عليه وسلم
وهو احسن نظام عذائي في العالم
وزي ماتعودنا اننا ناكل من غير حساب اكيد هنتعود اننا ناكل صح بنظام
معنى اللقيمات..ابتكر الاستاذ الدكتور محمد الهاشمى أستاذ السمنة بكلية الطب جامعة القاهرة واستشاري علاج السمنة المفرطة، نظاما جديدا للريجيم أسماه “رجيم اللقيمات”، وفيه يتم تعويد المعدة على الوجبات الصغيرة حتى تنكمش ويقل حجمها، وليس له علاقة بالسعرات الحرارية ويهتم بكميات الطعام وتدريب عضلات المعدة وحاسة التذوق والمزاج الشخصي.
نظام اللقيمات..
عبارة عن
الوجبة المرحة + 5 لقيمات فقط لا غير
والنظام كالتالى :-
في الفطار(اللقيمة الاولي)
( ربع رغيف بلدى ومعاه قطعة جبنة لايت او بيضة مسلوقة از معلقة كبيرة حلاوة او 2 ملعقة كبيرة فول ومعاه شاى بلبن ولو لبن نيدو يبقى معلقة واحدة وبس )
وممكن مايكونش فيه فطار خااااااااااااالص ممكن تبدا يومك عادى بثمرة فاكهه او اي لقيمة
واللقيمات ….
دى امثلة مختلفة للقيمات
. اى ثمرة فاكهة " اى نوع مفيش اى حاجة محظورة خالص"
. ثمرة خضار " اى نوع مفيش اى حاجة محظورة "
. نص كوب لب
. نص كيس شيبسى
. اى نوع عصير " هتاخدى لتر على خمس لقيمات بشرط لا يزيد معدل السكر في اليوم كله عن خمس معالق"
. كبشة فشار
. اى مشروب به لبن مثل نسكافيه او سحلب اى حاجة
( ويحسب لقيمة من تاني كوب ويكون اللبن ربع الكوب فقط)
. تلت الكف بيتزا ( يعنى نص مثلث )
. الحلويات حجهما اد علبة الكبريت(بسبوسة كنافية…)
. كوب لبن
. نص كوب شوربة خضار او نص كوب شوربة لسان عصفور
. 2 برقوق
. نص كوب سلطة
. واحدة زبادى
. عدد4الي5 بسكوت
. 3 بلحات
. تلت كوب عنب
. كوب بطيخ او كنتالوب
. قطعة صغيرة من الشيكولاته اد تلت الكف
. نص كوب صغير من الايس كريم
. ربع ساندوتش من الفاست فودز
. كبشة فنكوش
. علبة تونة بس هتتقسم على لقيمتين
. سمك ( تلت الكف)
. واحدة كحكة
. 2قراصيا
. عصير القصب(نص كوب )
. اتنين صوبع محشى
. نص كوب فول نابت
. قطعة كيك ( تلت الكف)
. نص كوب كورن فليكس مع اللبن
. الارز باللبن " تاخدى منه نص كوب كلقيمة "
. بعض حبات المكسرات (3- 5 حبات بندق أو لوز أو 5- 10 حبات فول سوداني).
وتكرر هذه اللقيمات كل ساعتين او 3 او 4 ساعات
وقبل اللقيمات ب10 دقايق هتشربي 2 كوب ماء ثم القيمة ثم بعد 10 دقايق 5 حبات فول سوداني[/size]
الوجبة المرحة..
ودى عبارة عن
كوب ونص سوائل(زي السطة مثلا)وكوب ونص طعام وقطعة حلوي في حجم علبة الكبريت
وعشان تعرفي تقسمي وتحددي الكمية بتاعت الوجبة..
بصوا بقى النشويات..
في النص كوب عبارة عن ايه
1. اربع الى خمس معالق رز او مكرونة او
2. نص رغيف عيش بلدى او
3. حجم الكف رقاق او بيتزا
باللنسبة للمحشى للى فوق ال 90 كيلو هتاكلى 15 قطعة
واللى تحت ال 90 كيلو هتاكلى 12 ورقة عنب
ولو مشكل هتاكلى خمس ورق عنب ومعاها 3 كرنب ومعاها 1 بذنجان وحتة لحمة و كوب ونص سلطة.
لو هتاكلى جلاش باللحمة هيكون اد الكف ولو معاها لحمة يبقى هتشيلى من الجلاش يعنى هيكون نص الكف جلاش والنص التانى لحمة
والحلوى بقى عبارة عن ايه..
1. ممكن تكون بسبوسة اد حجم علبة الكبريت
2. قطعة جاتوه " بنفس الحجم اد علبة الكبريت"
3. 2 معلقة ايس كريم
4. اى نوع من الحلويات انتى نفسك فيه بشرط اد علبة الكبريت
5. طب انتى مش عايزة تاكلى حاجة حلوة مفيش مشكلة عايزة تشربى مشروب اشربى ممكن تشربى اى مشروب عادى بحجم كوب او ممكن تاخدى اى نوع عصير هيكون نص كوب
6. مش عايزة ولا عصير ولا مشروب ولا حاجة حلوة مش مهم خدى اى قطعة فاكهة.
ومع كل ده هتاخدى طبق يحتوى على سلطة خضراء ومعاه معلقة زيت زيتون لعلاج الامساك .
……….
ملاحظات عامة على الريجيم …
1. شرب المياة بيكون من 8 الى 10 كوب مية في اليوم ويكون اما قبل الوجبة او اللقيمة بعشر دقايق او بعدها بساعة عشان مايزدشى عندك كرش
2. البعد التام عن المقليات في اول 3 شهور
3. يفضل ما تزوديش من البيبسى
4. السودانى ده مش شرط بس هو بتاخديه عشان تحسى بالشبع مش اكتر
5. المشروبات السحرية والكلام ده كله مش لازم تاخديه عشان الريجيم ده مش محتاج اى عوامل مساعدة خالص
6. خلى بالك ان السكر مايزدشى عن خمس معالق
7. ممكن نظام ريجيم اللقميات مع سن انقطاع الدورة بس هتكرر من البنفسجيات علشان نسبة الحرق ترتفع في الجسم
8. لو لغبطى في يوم وعكيتى ايه اللى يحصل لازم تتعاقبى وعقابك كالتالى ( اليوم اللى بعده هتلغى الوجبة وهتقضيها طول اليوم لقيمات )
9. عصير الليمون مش لقيمة ده مشروب عادى
10. ممكن تعملى الريجيم السريع وفيه هتقسمي الزجبة علي مرتين وال5 لقيمات
11. ولتزويد معدل الحرق وده يا جماعة مهم اوى في اول 3 شهور عشان تزودى من معدل الحرق للدهون هتاخدى دول كلقيمة
• 3 حبات فراولة او نص كوب
• 2 معلقة كبيرة زبيب
• اتنين معلقة بابا غنوج
• واحدة باذنجان مسلوق
• تزودى من الكرنب الاحمر مع السلطة
• 2 ارصيا
• 2 برقوق
• نص كوب عبن اسود ممكن في الوجبة المرحة تاكلى رز وبطاطس بالنسب المحددة
12. لو الاكل دهونه قليلة ممكن تاخدى كوب منه في الوجبة مع ملاحظة انك تبعدى اللقيمة اللى بعدها ب 3 ساعات بدل ساعتين.
نظام اللقيمات في الصيام::
اولا :ــ نبدأ افطارنا بشرب
1- 3 كوب سوائل(ماء وشوربة ولبن او عصير9) بالاضافه الى تناول من تمرة الى 3 تمرات .
ثانيا :ـ عقب صلاة المغرب :ــ
اولا الشراب :ـ
يمكن ان يكون الشراب من اى من التاليه وبحد اقصى مقدار كوب ونصف من عصير او شوربة او شوربة عدس او كوب واحد خشاف او شاى بلبناونسكافيه بلبن مع حليب مع قطعه سكر
ثانيا الطعام :ــ
يمكن ان يوضع الطعام فى طبق او اكثر ولكن لايزيد حجم الطعام كله عن كوب ونصف والافضل ان يحتوى على جميع العناصر الغذائية ومنها
1- نشويات ( مكرونه ارز خبز بطاطس )
خضار مطبوخ
سلاطة خضراء مع معلقه زيت زيتون كمبيرة
بروتينات ( قطعه صغيرة من لحم دجاج سمك 3 بيضات او قطعه جبنه
مع تناول قطعه صغيرة من الحلوى
مثال للوجبة..
حجم الكف مكرونه بشاميل
+ كوب سلاطة خضرة
+ قطعه صغيرة من الحلوى
+ قطعه صغيرة لحم
ملحوظة :ـ
الاطعمه التى تقدم على هيئة قطع مثل
( المكرونه البشاميل او الرقاق ) حجم الكف يساوى حجم الكوب
بعد صلاة التراويح:-
يتم كل ساعتين تناول كوب او اكثر من الماء ثم بعد مرور عشر دقائق ثمرة فاكهه من اى نوع
وجبة السحور :-
ليكي لقيمتين
1- كوب او اكثر من الماء + كوب شاى بلبن + كوب زبادى (لقيمة)
2- ربع خبز + 3 ملاعق فول كبيرة او 2 بيضه او قطعه جبنة(لقيمة)
وده كمثال
وختاما اذكر نفسي واياكم بالاستعانة بالله والدعاء
(اللهم زد ايماننا وانقص اوزاننا)
❤ اختــــــــــــــــــــــــــ ام سيف ــــــــــــــــــــــــــــــكم❤
ما لينا حبايب يابا ما لينا حبايب يابا 732882_1.gif فتكات ست الكل Fatakat 732882 CaIrO – eGyPt