السلام عليكم اخواتي
انا من كام يوم عملت موضوع هنا اسألكم عن الاشعه بالصبغه
والحمد لله عملتها النهارده وبما اني كنت مرعووووووبه ومحتاره وخاايفه مووووت ومش عارفه اصدق مين واكذب مين لاني قريت هنا بنات كتيييير قالت عنها انها مؤلمة جدااااااا وفي بنات قالت ان المها محتمل
بس انا للاسف كنت رايحه وخايفه جدااااا وحاسه اني هتوجع اوووي
المهم انا عملتها هنا في الكويت في مستشفي اسمها الامومه واتكلفت 50 دينار وده للافاده لاي فتوكه هنا في الكويت وعايزه تعملها
المستشفي ما شاء الله نظيفه جدااا رحت ودخلت غرفه الاشعه لبست الجاون بتاع الاشعه ونمت علي الجهاز وانا همووت وبعيط كمان بس الحمد لله الممرضه كانت مصريه وبقت تطمني ان قد ايه هي سهله ومش محتاجه واني كل ما اخاف كده غلط لان ممكن اشد اعصابي ويبان ان الانابيب مسدوده
اللي عملي الاشعه دكتور سوري ودكتور تاني مصري بجد ربنا يخليهم يارب ويجاويهم خير هما كبار في السن وده طمني لانهم عندهم خبره والدكتور المصري ده بجد كنت حاسه انه زي بابا كان واقف جمبي بيظبط الجهاز ويدعيلي ان ربنا يكرمني واني ان شاء الله هحمل الشهر الجاي بجد قد ايه طيييب ربنا يخليه لاولاده يارب
قولتلهم عايزه حقنه مسكن قالولي مش مستاهله بس انا كنت عامله حسابي واخدت برشامه كيتوفان مسكن قبل ما ادخل بربع ساعه
المهم ركبولي الجهاز هو مش بيوجع بس غلس حاجه بتفتح الرحم كده وانا كنت مترقبه اللحظه الحاااسمه وهي دخول الاشعه وواخده وضع الاستعداد للصرييخ
وفجأه لقيتهم بيقولولي اثبتي علشان دي اخر خطوه كانو بيصوروني بالجهاز واتضح ليه انهم خلاص حقنو الصبغه وبيصور الانابيب
وخلاااااااااص الحمد لله مخدتش حوالي ربع ساعه انا كنت مرعوبه وخايفه علي الفااااااضي وشاده اعصابي من غير داعي
وحبيبت اقولكم تجربتي لاي واحده متخافيش بجد انا مش عارفه هل وع الصبغه بيفرق يمكن هو الدكتور قالي احنا نوعيه الصبغه عندنا كويسه ومش هتحسي بيها ده غير انهم استخدمو ادوات بلاستيك يعني لكل مريضه الادوات بتاعتها وبعد كده بتترمي
والحمد لله النتيجه طلعت ان الانابيب سالكه ولله الحمد
بجد وانا خارجه من المستشفي كنت حاسه ان اتكتبلي عمر جديد
الف حمد وشكر ليك ياااارب
ادعولي بقي بالله عليكم ان ربنا يكرمني الشهر ده وابقي حاااامل
ياااااااااااااااااااااااااااااااااااااارب
يااااااااااارب انا وكل بنات المنتدي
dadokesho dadokesho 107154_1.gif فتكات نشيطة Fatakat 107154 القاهرة – مصر
سبحان الله و بحمده