السلام عليكم ياقمرات جميعا فعلا انا قررت من زمااااااااااان انى هجيب فستان فرحى من النت ولانى طبعا عملت المغامرة دى كتير واشتريت سالاوار هندى سامعاكى يالى بتقولى هو ايه البتاع دة دة عبارة عن دريس هندى لحد الركبة كدة وتحتو البنطلون نفس الخامة ومعاه شال طويل كمان نفس الخامة انا جبتهم بدل العبايات بتاعة اسبوع الفرح دى لانى مش بحبها وهما زى دول
وكانت حاجة ممتعة وفعلا زى الصورة تمام والخامة جميلة اوى القماش الهندى والكشمير بجد حاجة تجنن خصوصا ان الى جالى من مومباى على بيتى على طول ياحلاوة تكنولوجيا
المهم دخلت بقى على فستان فرحى ولانى من وجهة نظرى ان فستان الفرح يبقى منفووووووووووش وحلو لانى اصلا فى اى حفلة سواريه فرح اخواتى اى حد بلبس فساتين لاما تايبس او ملفوفة اوى وفستان الفرح المنفوش مالوش مثيل ربنا يستر ويبقى حلو عليا
المهم اتعاقدت بردو على فستانى فى موقع Amybridals وانا اختارت حاجة تانية خالص من برة ومش فستان واحد لا انا مجمعة كذا حاجة فى فستانى يعنى انا الى مصمماه وهيا فى الاول قالتلى اوك وهتعمل كل الى انا عايزاه وبعدين بعتلها الفلوس فى 20/3 والمفروض الفستان ياخد بالظبط 40:45 يوم بالكتير اوى
اكلم البوت وابعتلها ايميل اطمن على الفستان وكدة تقولى هو تحت الخياطة لما يخلص هقولك واديتنى معاد يعنى 21/4 قولت اوك تمر الايام ويجى اليوم الموعود واكلمها مش بترد اجى يوم والتانى والتالت اكلمها بردو مش بترد لحد مكنت هكسر الكمبيوتر على راسها بس اروحلها الصين بس 
بعد اسبوع كدة لقيت البنت ردت وتقولى اسفة لسة فستانك بيتخيط ومش جاهز لانو صعب شوية والمفروض انى ضحكت عليهم وقولتلها فرحى فى اول مايو عشان تبعتهولى فى وقتو ودى ولا الهوا اكلمها ولا تعبرنى
بدل الاسبوع مر اسبوعين وانا بشد فى شعريتى وخلاص قولت اتنصب عليا وبدأت انى اشتكيهم وقولت لا انا هكسر الدنيا ولا اتنيلت عرفت اعمل حاجة لانى بعتلهم الفلوس عن طريق ويسترن يونن وطبعا مش هقدر اعملهم حاجة
المهم الحمدلله ربنا ستر وجيبت رقمهم واتصلت على الشركة ومطلعش نصب وطلع الفستان واخد وقت والمانجر كلمتنى على الميل وقالتلى انها بتابعو بس بعتولى الدريس لسة امبارح ودة طبعا متئخر جداااااااااااااااااااااااااااااااااا
بس الفستان لما جه فعلا الخامات جميلة اووووووووووووى تقفيل الدريس من جوة روعة وكمان عاملالى من جوة زى الكورسيه كدة عشان لو حبيت اضيقو دة داخلى فى الفستان وفعلا الدريس جه زى منا عايزة وديل طووووووووووويل وجميل اوى غير بس حاجة واحدة مضيقانى ان بدل التطريز الامامى الى زى الشجر دة ميبقى فصوص بص عملتو ترتر جواه فصوص كدة اختى قالتلى انه جميل اوى بس انا عايزة اغير الترتر من قدام حتى بس واعملو فصوص قولولى رأيكو بصراحة
طبعا هتقولو كل الرغى دة ليه لازمة مهو مطلعش نصب هقولك ايوة استحميلنى شوية لان لو عروسة عايزة تعمل الفكيرة دى تبتدى تستوردو قبلها بفترة كويسة عشان مش تتحط فى موقف دة وكمان لانو اكيد فى شوية تعديلات فهمتى ياذكية
المهم بقى نيجى للصور وانا بجد عايزة اعرف رأيكو هو فيه شوية تعديلات هعملها زى تقفيل الفستان وكدة وفى حاجة مضيقانى الخطوط الى زى الشجر دى عاملاهالى بترتر وجواها فصوص انا مش عاجبنى الترتر دة وعايزة اقلبو فصوص على الاقل من قدام بس لان الديل طووووووووووووووووووويل وكلو شغل هاند ميد وكمان هعمل زرار داخلى عشان لما اجى ارقص او كدة ارفع الديل بشكل حلو
عايزة رأيكو بجد اول صورتين هما الى بعتهولى فى الاخر قبل الفصوص
انا طبعا طلبت تقفيل وكمان طرحة وطلبتها بطريقة معينة لانى مش بحب كذا لفة ولانى مش متعودة فى فرح اخويا كنت حاسة انى بتخنق وبطلع فى الروح ودة الفستان عليا بس لسة شوية تظبيطات هضيقو شوية وعايزة احول الترتر دة لفصوص نمسية حلوة وهعدل الاكمام شوية بس قولولى رأيكو بصراحة
ممنوع وضع صور شخصيه
الاداره
بصو بقى مش زى كل مرة ها المرة دى بجد عايزة رأيكو اذا كان حلو او وحش عايزة اعرف بجد .وبجد والله انا مش وريتو لاى حد غير اختى ومام وقولت افيد كل البنات ويستفيدو من التجربة لعل وعسى بنوتة تستفيد وياريت المشرفات يسيبو الموضوع عشان الكل يستفيد وكمان اعرف رأى الفتاكيت ايه وياريت تقيمو عشان يثبت شوية صغنتين بس عشان اعرف رأيكو والعسل الى هتدخل وتقولى رايها بجد وتقيم ليها بوسة ووردة كومان وبجد هزعل من الى يدخل ومش يعرفنى رأيو او يقيم
يلا بقى قولوى كل الاراء واذا كان حلو عليا ولا لا وايه الى ناقصو مستنياكو ياقمرات
eman.hegazy eman.hegazy فتكات متميزة Fatakat 597802 القاهرة – مصر