السلام عليكم ورحمه الله وبركاته
مش هطول عليكم عشان مش تزهقوا مع انى بحب افضفض معاكم
انا متجوزة من خمس شهور وحملت على طول بس اكتشفت ان الحمل عنقودى فالشهر الرابع
وطبعا الحمل ده لازم ينزل
واكيد هتسالو ايه هو الحمل العنقودى
هقلكم
الحمل ده بيحصل بين كل 5000 سيده بين عمراقل من عشرين واكثر من 35
والحمل ده مش طبيعى بيبقى الرحم فاضى وكيس الحمل بيتفتت بعد ماكان طبيعى وبيتحول لدواير شبه حبات العنب
المهم لما اكتشفناه عملت اشعه صوتيه عشان نتاكد وكنت طبعا فصدمه ربنا مايجربها على حد انى صابره اربع شهووووووووووور وكان بيبى فبطنى وكان عندى كل اعراض الحمل وحم وترجيع جامد ومش طايقه الاكل نهائى
عملت عمليه شفط وتفريغ عشان لازم الحمل ده ينزل ويختفى من الرحم ومتيبقاش ليه اى بقايا جوة
عشان لو فيه بقايا ليه هيرجه ينمو تانى واحمل عنقودى تانى وممكن تتحول لخلايا سراطنيه لاقدر الله ويستاصل الرحم لا قدر الله
بعد ما عملت العمليه طلب منى امنع الحمل من ست شهور لسنه
عشان مش يرجع تانى
واعمل تحليل شهرى اقيس بيه نسبه الهرمون لحد مايوصل لصفر
حبيت بس اعرفكم الموضوع ده عشان لو حد فنفس حالتى يشاركنى
واهو نهون على بعض شويه
وادعولى ربنا يعوض عليا
احسنت الظن بالله احسنت الظن بالله 709562_2.gif فتكات رائعة Fatakat 709562 المنصورة – المنصورة
سبحان الله و بحمده