السلام عليكم
انا جاية النهاردة افيدكم بتجربتى بالبنج النصفى لان فيه امهات كتير عندهم مخاوف
واعتقادات خاظئة عن البنج النصفى
انا ولدت قبل كدة ببنج كلى وكنت اولا بحس بتركيب القسطرة المؤلمة جدا
ثانيا اول مافوق من البنج بحس بالم فظيع فى بطنى وكانها متقطعة
ثالثا الكحة الفظيعة الى بتطلع من جوة الجرح
هحكى لكم فى ولادتى الاخيرة ايه الى حصل
انا الحمد لله جالى سكر حمل والدكتور قالى احسن لك انتى والبيبى لازم بنج نصفى
انا طبعا كنت رافضة رفض تام لانى كنت مفكرة زى ما بنات كتير مفكرة
ان الابرة هتدخل جوة ظهرى وان بطنى هتبقى مفتوحة قدامى وهشوفهم وهما بيفتحو ويخيطو
رفضت باصرار واعدت اعيط جوزى قالى انتى حرة فكرى وقررى المهم ربنا هدانى ووافقت
يوم الولادة دخلت اوضة العمليات وجالى دكتور التخدير
وقالى انا هديكى ابرة بنج صغيرة عشات متحسيش بابرة البنج الى هيا ابرة الظهر
قلت له طيب قعدت على السرير ووطيت راسى لتحت وبدات اقرا اية الكرسى فى سرى
عقم الظهر وبعدين ادانى ابرة البنج والله محسيت بيها ابدا
وبعدين ادانى حقنة التخدير وهنا بدات رجلية تتخدر
رفع الدكتور رجليه على السرير وجابو حاجز بينى وبينهم مكنتش شايفة الا راس الدكتور
ووقف دكتور التخدير جمب راسى وبدا يتكلم معايا وحط لى الكمامة على انفى وكان فيها مهدىء مخدتش بالى باى حاجة ولا سمعتهم قالو حاجة
الا ولقيت البيبى قدام عنية وقالى هنلبسه واجيبهولك تبوسيه
وانا الحمد لله ربنا انعم عليه بهدوء كنت عمالة ادعى واقرا قران واحمد ربنا انى ولدت والبيبى سليم
وطلعوه ابوه وجدته شافوة وصوروه وانا الحمد لله طلعت وروحت الافاقة نص ساعة
وبعدها نزلت على اوضتى وبعد الولادة بحوالى 3ساعات بدات احس بشوية الم واخدت المسكن
و3ايام وخرجت انا وابنى والحمد لله كانت اسهل ولادة
وصدقونى متخافوش من البنج النصفى انا جربت الاتنين والنصفى احسن بكتير قوى المهم دكتور التخدير
يكون كويس ومش هتحسى بحاجة
ودلوقتى اصبح البنج النصفى اامن على الام وعلى البيبى
اتمنى اكون افدتكم
أسيرة غربتى أسيرة غربتى فتكات ست الكل Fatakat 169633 الدمام – السعودية