السلام عليكم ورحمة الله وبركاتة ازيكوا يافتوكات عاملين اية فى الحمل وتعبة ؟
ربنا يعنا جميعا ويجعلة فى ميزان حسانتنا ويرزقنا بزرية صالحة سليمة معافاة ان شاء الله
بصوا بقى انا عارفة ان مشكلة الغثيان والترجيع دى مضايقة ناس كتيرة اوووى وعوزين حل
انا مشكلتى انى بحس الاحساس دة اول مابصحى من النوم وممكن الاحساس نفسة يخلينى اقوم عاوزة ارجع مش قادرة بس الحمد لله لاقيت الحل وجربوة وان شاء الله هتدعولى
بصوا يافتوكات قبل النوم حضرى جنبك على الكومودينو زى الشاطرة كدة اى حاجة تتشرب اى حاجة
عصير / لبن/لبن رايب /زبادو /نسكويك باللبن
وكل ماتصحى بليل من نومك او تفتحى عينك او تدخلى التواليت مثلا خدى شفطة من المشروب اللى انتى محضراة دة
لحد ماتصحى الصبح تكونى خلصتى الكوباية
والله انا جربت الموضوع دة وبقوم الصبح اللهم لك الحمد معنديش اى احساس بغثيان او ترجيع
والفكرة انة غلط نسيب معدتنا فاضية طول فترة نومنا بليل لازم نشغلها باى حاجة زى العصاير دى
وانا جربت احط جنبى اكل او فاكهة بس مدتنيش نفس نتيجة العصاير ابدا
جربوا وان شاء الله الدنيا تظبط معاكوا
استودعكم الله جميعا يافتوكاتى
بغض النظر بغض النظر 769247_1.gif فتكات رائعة Fatakat 769247 الجيزة – مصر