السلام عليكم وكل سنه وانتم طيبين وربنا يجعل ايامنا كلها اعياد وسعاده
انا كتبت موضوع هنا من فتره بسأل فيه عن ازالة الورم الليفي وكنت محتاجه واحده تقولى خبرتها لو كانت عملت العمليه دي
وانا عملت العمليه الحمد لله من اسبوعين وحبيت انقل تجربتى كلها لانى اتفاجأت بحاجات ماكنتش اعرفها ، جايز لانى اول مره ادخل عمليات بس يمكن حد يستفيد من كلامي
اولا : العمليه كانت تقريبا ساعه ببنج كلي وفتح زي القيصري بالضبط بس الفتح اصغر من القيصري بشويه
الدكتور طلع ورمين وكيس والحمد لله حللتهم ومافيهمش حاجه وحشه
وبما انى مش عندي اطفال واول مره اعمل عمليه فا الجرح والخياطه تعبوني جدااا بس الالم قل جدااا دلوقتى
خرجت فى نفس اليوم
اتكلفت 2800 جنيه مصاريف الدكتور والمستشفي
وماكنتش عامله حساب التحليل بتاع الورم واتكلف 390 جم
مش عارفه كلامي دا ممكن يفيد حد ولا ايه
بس اى واحده تقرأ كلامي تدعي لى ربنا يرزقنى بالذريه الصالحه قريبا ان شاء الله
NewLife NewLife فتكات متميزة Fatakat 434244 Alex – Egypt
سبحان الله و بحمده