مساء الخييييييييير يا فتوكات
حبيت أفيد العرايس الجدد بتجربتي في الحمل وإيه الأعراض اللي حصلتلي قبل ميعاد البيريود وشكيت إني ممكن أكون حامل :
نبدأ بسم الله …
1- الأرق مكنتش بنام متواصل كنت بقلق كتير بليل
2- شعيرات بيضاء في الببي (البول) ولاحظتها أكتر من مرة
3- رائحة البول كانت نفاذة وقوية جدا
4- الإمساك
5- نغزات ووجع في الناحية اليمين بتروح وتيجي
6- عسر الهضم ومكنش الأكل بيتهضم بسهولة
7- إحساس بالغثيان بيروح ويجي
8- وجع الأرجل حتى وقت النوم كنت بحس بألم رخم كنت بفضل أشد في رجلي وأفردها من الألم
9- تشنجات حصلتلي في كتفي وتعبتني جدا
10- وقتها عملت تحليل البروجيسترون عشان أطمن على التبويض وطلعت نتيجيته قبل ميعاد البريود بأسبوع وشوية
وكانت عالية 30.7 ووقتها شكيت أكتر إني حامل
11- الغازااااات والإنتفاخ
12- صدري محصلش تغيير فيه مزدش حجمه ولا حاجة
13- إفرازات بيضة بس مش كتير بس أقل من بتاعة البريود الطبيعية
14- أعصابي هادية على غير العادة وقت أيام البريود والطبيعي اني أكون متعصبة وأعصابي بايظة وقت قرب البريود
15- بعد يوم البريود ما عدى مش حسة بأي حاجة خاالص ولا ألم ولا أي حاجة
ده كل اللي حصلي بالضبط وكنت ساعتها كاتبة الأعراض دي على موبايلي للذكري وأهي طلعتها وكتبتها عشان الكل يستفاد
وبعد تأخر ميعاد البريود بأسبوع بالضبط جبت إختبار الحمل المنزلي Baby Check وعملته أول ما صحيت من النوم وكانت المفأجأة خطين الإتنين أحمر أوي وبقيت على أعصابي هموووووت عايزة أتأكد وأروح أعمل إختبار الدم .. وفعلا لما جوزي نزل الشغل بعدها بساعتين لبست ورحت جري على المعمل وعملت إختبار الدم والحمدلله طلعت حاااااااااااااااامل
عقبال كل البنوتات يارب ويرزق كل مشتاقة بالذرية الصالحة ياااااااااااارب آمين
وإلى لقاء آخر في موضوع آخر بإذن الله بعد الولادة (بعد شهرين بالضبط من دلوقتي ) هقولكم كل حاجة من أول أعراض البنت والولد لإختبارات الحمل لغاية يوم الولادة .. إدعولي بولادة سهلة وطفل سليم معافى حسن الخلق والخلقة
بونبوني بالكاراميلا بونبوني بالكاراميلا 326018_44.gif ❊ رَبِّي ردَّني إليكَ ❊ Fatakat 326018 مدينة نصر ♥♥ القاهرة – مصر