أزيكوا يا أحلى فتوكات
تردد فى كتابة هذه النصيحه حتى لا تتشكك من قامت بإجراء أجهاض وتزعل ألى فات فات المهم ناخد بالنا لأن للأسف الدكتره بعض الدكتره بقوا فى قمة الاستهتار وقبل أن أحكلكم إلى خلانى أخد حزرى أنى قريت هنا قبل كده نفس الحكاية إلى حصلت معايا
أنا كان عندى أجهاض منذر فى الشهر الثانى نتيجة مجهود و رحت لدكتور عنده مركز وحكايه فى الكشف الأول أنا كنت ريحاله بعد ما الدم توقف بثلاثة ايام فطمنى على البيبى وورانى النبض وأدانى مثبت
بعد عشر أيام فى الأستشاره عملى سونار على البطن وسونار مهبلى وتصورى قللى ربنا يعوض عليكى وخيرها فى غيرها و ومفيش نبض مش عارفة ليه مكنتش مصدقاه فقلتله أزى
قللى الدم ألى نزل اثر على الجنين فتنحت وقلتله ازى دنا جتلك اول مره الكشف بعد ما الدم وقف بثلاثه ايام راح عايد السونار تانى وقلى ياااااااااااااااااااااااه دنتى بنت حلال أه الحمد لله والنبض وكويس أنتى ربنا بيحبك طبعا كنت عاوزه افرتكه وخرجت من عنده قطعت الروشته وقلت حسبى الله ونعم الوكيل
ورحت لدكتور تانى والحمد لله اطمن على الحمل ربنا يعفينا كلنا كم عبث العابثين بنا
حزززززززززززارى وتاكدى عند طبيب أخر قبل أجراء عملية التنضيف
أم نبيلة أم نبيلة فتكات هايلة Fatakat 93058 بيتى مملكتى – مصر بلدى