بما ان وصفاتى السريعة عجبتكوا و طلبتوا السلطة انا كمان هطلب منكوا حاجات انكوا تصلوا ع النبى و تقولوا سبحان الله و الحمد لله و لا اله الا الله و الله اكبر .. و تدعولى بظهر الغيب طبعا ربنا ينورلى بصيرتى و يفرح قلبى و يرضينى و يراضينى و يرزقنى من حيث لا احتسب : شكرااااااااااا
يلا بقا
الكمية المردة دى علشان سلطة فهنجيب بصلة كبيرة و فاصوليا "كبشة كبيرة "
ملح-فلفل-سكر-خل -لمونة او اتنين- نقطة زيت حسب الرغبة
بصى يا ستى هتقطعى البصلة لحلقات هلالية "طرنشات يعنى " و هتسلقيها شوية مية مش كتير "و انا مش عايزاها تتسلق اوى يعنى تبقى قبل المستوية بشوية " تمام و بعدين هتشليها و تحطى عليها ملعقة و نص سكر و ربع كوباية خل و تحطيها ف الفريزر
الفاصوليا طبعا هتتنضف و تتقطع على 3 اجزاء و تسلقيها زى البصلة بالظبط و بعد ما تطلعيها تحطى عليها رشة ملح و فلفل و الليمون و ربع كوباية خل و 3 معالق سكر و تحطيها ف الفريزر
و قبل التقديم بتخلطى البصل و الفاصوليا على بعض و تقدميهم و تضيفى نقطة الزيت او لا زى ما انتى عايزة
ملحوظة : السلطة ممكن بعد كل مرحلة تحطيها ف التلاجة بدل الفريزر . بس انا لية قولتكوا كدة علشان احنا عادة بنعمل السلطة قبل الاكل على طول فميكونش فى وقت انها تتسقع بالشكل المطلوب "
و بالف هنا و صحة مواضيع هذا القسم برعاية
enjy mohamed abdalla enjy mohamed abdalla images/avatars/yellowflower.jpg فتكات حبوبة Fatakat 473064 cairo – egypt