اخيرا بعد جوزى حبيبى ما تعب من الكريب اللى كنت بعمله دا كان ممكن يعملى حظر اى اعمل كريب تانى انا كنت بعمله بالمقادير اللى هنا فى مواضيع كتير فى المدونة كان بيبقى طعمه كويس بس بيبقى طرى مش زى اللى بناكله بره فى اى مطعم بس انا اعلنت الحرب و قلت لا استسلام مش هسكت غير لما اعمله. المهم جوزى عزمنا امبارح بره و كلنا كريب و انا بقى قعدت ابصله كدهو قلت مش هسيبه وراه وراه لحد ما يبقى زى الجاهز
فدخلت النهارده المطبخ و قلت عليه و على أعدائى و غيرت خالص المقادير اللى كنت بعملها اقول القديمه و لا بلاش…. خلاص بلاش خلينا فى الجديده علطول علشان محدش يتلغبط
2 كوب دقيق
كوب لبن
كوب ماء
قطعة زبد او سمن
بيضه واحده
ملح
فلفل
كل المقادير دى تضعيها فى الخلاط و اضربيهم كويس و يلا استعمليهم بقى يلا يلا مش بهزر بس اوعى فتوكه شطوره تزود اللبن و متحطش ميه و تحط لبن و لا تزود البيض جربى اللى بقولك عليه بالضبط و مش هتندمى
اسفه بجد مصورتوش لانى مكنتش متخيله انه هيكون حلو كده المهم عملته فى صينيه كبيره علشان يطلع كبير و طبعا صينيه تيفال
سخنت الصينيه قوى و حطيت حتت سمنه صغننه خالص و عملت كل المقدار من غير اى سمنه تانى و كنت باضع فنجان فى الصينيه و الفها لحد ما تتفرد فى الصينيه كلها و احطها على النار و اهدى النار خالص و لما تفك من الاطرف اقلبها و اهم حاجه تسويها على نار هاديه علشان متحمرش بسرعه و تكون طريه من جوه و مش هتطلع زى اللى بناكله بره
الحشو
بصل ، فلف اخضر ، فلفل الوان ، صدور فراخ ، طماطم ، و طبعا توابلك الحلوه فلفل روز مارى و التوابل اللى بتحبيها ، علبة زبادى
انا عملت الحشو من غير سمن خالص يعنى دبلت البصله على نار هاديه من غير سمن و بعدين حطيت الفلفل برضه سيبته شويه اخد ريحه زى المشوى لان مفيش سمن طبعا ده كله مع التقليب مش تسيبيه و تتفرجى على التليفزيون و بعدين الطماطم و بعدين صدور الفراخ و اخر حاجه الزبادى و تظبطى الملح و
نلفها بقى ازاى انا عارفه ان معظم الفتوكات عارفين بس هقول علشان المبتدآت اللى انا منهم
اثنى الكريب نصين و بعدين تضعى فوقهم جبن موتزاريلا و بعدين الحشو و بعدين تثنى الطرفين لجوه فاهمينى و متخلوش اى حشو باين ياريت اكون عرفت اوصف بالكلام و نجيب صينيه تيفال نضع قطعة سمن صغيره جدا و نضع فيها الكريب و الناحيه المفتوحه تكون لتحت علشان تمسك كويس و بعدين تقلبيه و طلعيه و بالف هنا و شفا و متنسيش المخلل و الكاتشب و الحركات و الله هيكون رائع بإذن الله
و الله عجب جوزى جدا جدا جدا و قال برافو
مواضيع هذا القسم برعاية
ننوسة الننوسة ننوسة الننوسة 522147_1.gif سوبر فتكات Fatakat 522147 المحلة الكبرى – مصر