السلام عليكم ورحمه الله وبركاته
انا اول مره اكتب موضوع واول مره اشترك ويارب الطبق الصغنون ده يعجبكم
السحور كان عليا مهو اصل انا يوم واختى يوم فا قلت اعملهم افتكاسه جديده وفى الاخر طلعت طعمها حلو اوى ياريت تجربوها يلا نعملها سوى .
اول حاجه هنقطع البطاطس مكعبات صغيره زى كده
بعد كده هنسلقها نص سلقه فى ميه وملح وبعد كده نطفى عليها ونحطها تحت الميه السقعه بسرعه عشان متتهريش وتبقى حلوه وبعدين نصفيها فى مصفه وانا كنت عامله جمبها بطاطس محمره برضو بنفس الطريقه وسبتهم هنا يتصفووووو
بعد كده جهزت الفلفل والطماطم والمشروم (عش الغراب)والبقدونس وقطعتهم مكعبات زى البطاطس وبعده كده جهزت البيض والزبده وكده كله جاهز اهو
وبعد كده حطيت الزبده فى الطاسه وحطيت عليها البطاطس شوحتها شويه فى الزبده وبعد كده حطيت عليها المشروم بعد ما اصفرت شويه عشان يتشوح مع البطاطس زى كده
وبعدين بعد ما اتشوحوا شويه حطيت الفلفل والطماطم شويه وبعدين وراهم معلقه صلصه صغيره بتدى طعم ولون حلو
وبعد كده حطيت الكفته والبقدونس وقلبتهم شويه
وبعدين حطيت البيض والبهارات بقى (ملح- فلفل- شطه-كمون-كسبره-زعتر-وبهارات)
وبعد كده قلبتها مرتين كده وقفلت عليها وده شكلها النهائى وبالهنا والشفه
وبعد كده ده بقى طبق منى هديه على البطاطس خيار شكله حلو اوى عجبنى
وده بقى السحور فى النهايه كان عجبهم اوى اتفضلوا معانا هههههههههههههههه
عايزاكم بقى تقولوا ايه رايكم وبعرف اخترع ولا لا ومتنسوش تتدعولى
مواضيع هذا القسم برعاية
4ero2 4ero2 930937_1.gif فتكات جديدة Fatakat 930937 القاهره – مصر