بطاطس بالكباب

السلام عليكم ياأحلي فتاتيك في الدنيا
أنا النهارده جيبلكم أكله محترمه شوفي يافتوكه منك ليها

أول حاجه هتجيبي كمية البطاطس اللي عاوزه تعمليها
بعد كده تقشريها وتقطعيها صوابع وتكوني مولعه علي طاسه فيها زيت
سخن وتبتدي تحمريها
المهم هاتي حله ويكون ليها غطاء محكم وتقطعي فيها حزمة بقدونس ولو كمية البطاطس كبيره قطعي حزمتان
بعد كده أول لما البطاطس تتحمر طلعيها وحطيها في الحله اللي فيها البقدونس ورشي عليها ملح بكمون وأقفلي الحله بسرعه ورجيها وهكذا لحد لما كمية البطاطس تخلص
وتكوني مولعه علي حتة فحمه علي نار هاديه
وفي نفس الوقت تبشري بصلايه متوسطه وتحطي عليها ملح بكمون بشطه وتحطي عليها معلقة سمنه كل ده والحله لسه مقفوله
أفتحي الحله وأعملي حفره بأيدك وسط البطاطس وحطي فيها السمنه والبصل
ساعتها هتكون الفحمه أحمرت هاتيها بسرعه وحطيها علي السمنه زالبصل وأقفلي الحله بسرعه وشمي الريحه
وبعد شويه صغيرين هتكون الفحمه اتطفت شليها من عليها ورجي الحله كويس
بس أوعي تسيبي الفحمه كتير عليها علشان مش تمررها
جرنوا أعملوها وأدعوللي أنا وجوزي أن ربنا يفك كربه مواضيع هذا القسم برعاية

نوسه 1212 نوسه 1212 590036_4.gif فتكات رائعة Fatakat 590036 مدينة السلام – مصر

سبحان الله و بحمده