السلام عليكم ورحمة الله وبركاته
صباح الخير عليكوا يا فتوكاات يارب تكونوا بحال طيب ::
*********************
هاقدملكوا النهاردة وصفة البطاطا المحشية باللبنة اللبنانى ومحمرة فى الزيت
عملتها مع وصفة القرنبيط المحمر الكرسبى وده لينك الموضوع
https://fatakat.univanet.com/#2079277
ويارب تعجبكوا
يلا نبتدى
أولا : حضرت عدد 1 بطاطا كبيرة بقشرها وغسلتها كويس
ثانيا : مليت الحلة مية مع رشة ملح و غمست فيها البطاطا وسيبتها تغلى
ثالثا : اخدت البطاطا تقريبا نص ساعة لتستوى وبعدين رفعتها من على النار وصفيت المية و قشرتها و قسمتها لأربع اجزاء
رابعا : جبت عيش لبنانى و حمصته فى الفرن وطحنته فى الكبة بجد حلو جدااااااااا ياريت تجربوه وعلى فكرة العيش اللبنانى متوفر فى مصر فى المخابز
خامسا : هرست البطاطا و حطيت عليها شوية بقسماط و بهارات البطاطا وقلبتهم
سادسا : جهزت مكونات الحشوة عبارة عن
لبنة لبنانى و زعتر و نعناع ولو مفيش لبنة ممكن نستخدم جبة كيرى و جبنة بوك
لتجنب احتراق الجبنة بالداخل بنحط معاهم ربع معلقة طحين
سابعا : نخلط اللبنة مع النعناع و الزعتر وربع معلقة طحين
قطعتين من الجبن الكيرى مع ملعقة جبنة بوك مع ربع معلقة طحين
ثامنا : ناخد جزء من البطاطا و نعمله على شكل كورة و نحشيه بالحشو اللى سبق وجهزناه
ثم فى البيض والبقسماط و نحمره فى زيت الصويا
للأسف نسيت اصور الشكل النهائى بس بجد كان شكله وطعمه رائع كان كرسبى ومقرمش من برة و طريى جدا من مكونات الجبنة من جوة
ياريت تجربوه وتقولولى رأيكوا
وبالهنا والشفا
مواضيع هذا القسم برعاية
star noga star noga images/avatars/yellowflower.jpg فتكات متميزة Fatakat 285588 ZAHLE – ZAHLE’ – LEBANON