بصوا بقى انا الاول قطعت صدور الفراخ لشرايح رفيعة وتبلتها بمية البصل والتوم والزبادى وعليهم معلقة خل وملح وفلفل اسود وسبتها ف التتبيلة دى 12 ساعة …..ودى صورتها ف التتبيلة بعد كده قطعت البصل شرايح والفلفل الاخضر شرايح والطماطم والخضرة بس انا مكنش عندى خضرة الصراحة تكفى . اجيب الطاسة وانزل بالبصل ف الزيت لخد ميصفر وبعدين اضيف الفلفل وبعدين انزل بالفراخ بتتبيلتها كده ع الخليط ده كله وبعدين اضيف الطماطم معاهم. واسيبهم ع نار هاديه واغطى الطاسه لحد متستوى بس اواربها كده شويه عشان الميه تتبخر وتنشف. انا قولت اجرب اعملها مع برام رز بدل العيش. ودى بعد مرصيت الشاورمة حواليه. انا عملت جنب الطبق ده تومية ودى عبارة عن بطاطستين مسلوقين ومعاهم زباديه كبيرة وعليها توم ونعناع ناشف وملح وع الخلااااااااااط عدل حتلاقيها جاهزة معاكى ودى صورتها. وبألف هنااااااااااااا وشفااااااااااا ع قلوبكم يا اجمل بناااااااااات متنسوش تدعولى لو عجبتكم الاكلة…..::::::
مواضيع هذا القسم برعاية
سانديرو سانديرو 434667_7.gif فتكات متميزة Fatakat 434667 قلب زوجى – ام الدنيا
سبحان الله و بحمده