بســـــــــــــــــــــــم الله الرحمـــــــــــــــــــــــن الرحيــــــــــــــــــــــــــــم
ازيك ياحلى بنااااااااااااات واحلى قمراااااااااااااااات وستااااااااااااااات حلوات ,عاملين ايه فى السقعة دى
النهاردة باذن الله هنقدم برام اللحمة بالبصل ,هو المفروض ان كانت تتعمل بالبصل الصغيرة اوى "الاورمة "بس دورت عليه ومالقتهوش فعملتها بالبصل العادى يعنى
وطبعا برام الارز المعمر من الاكلات اللى بموت فيها وهنشوفهم مع بعض باذن الله وبطريقة سهله يارب تعجبكم
يلا بينا مع بعض على المطبخ ونقول بســــــــــــــــــــــم الله
المقـــــــــــــــــــــــــــــــــادير
لحمة مقطعة مكعبات
بصل مقطع شرايح
فلفل اخضر مكعبات
بطاطس "حسب الرغبة "
توم – ورق لورا – حبهان – مستكة – ملح – نصف معلقة صغيرة سكر – بهارات
الطريقــــــــــــــــــــــــــــــــــــة
هنحط معلقة سمنة لما تسخن جامد هنحط المستكة تسيح فى السمنة
بعد كده هنحط اللحمة تتشوح وتتحمر وتاخد لون وتقفل كمان المسام بتاعتها عشان ماتكش مننا
لما اللحمة تتحمر هنشيلها ونحط مكانها البصل ونقلب فيه لحد مايدبل
بعد كده نحط اللحمة تانى مع البصل ونقلب فيهم كويس ونحط الفلفل الاخضر والبهارت و ورق اللورا والحبهان ونزودها مياه مغليه ونظبط الملح ونزود السكر كمان "نصف معلقة صغيرة سكر عشان اللحمة تستوى بسرعه"
ونيجى فى البرام نرص البطاطس وممكن نقطع قرن فلفل حامى معاها
ولما اللحمة تاخد غلوتين على البوتاجاز نقلبها فى البرام ونغلفه بورق فويل وعلى فرن سخن جدا على طول لمده من ساعة ونص الى ساعتين
ونيجى بعد كده نشيل الفويل ونحطه تحت الشواية ياخد لون
وده شكله لما استوى
نيجى بقى للارز المعمر
كوبايتين ارز "منقوعين نصف ساعة قبل الطهى "
كوبايتين ونصف لبن
كريمة طهى "فنجان صغير"
قشدة "ده وش اللبن "
سمنه بلدى
ملح
هنحط الارز فى البرام ونحط عليه السمنة ونقلبهم كويس مع بعض
بعد كده نحط اللبن على الارز وبعدين نحط الملح ونظبطه
بعد كده نزود القشده او "وش اللبن " المتوفر عندك براحتك
بعد نزود كريمة الطهى "حوالى نصف فنجان صغير"
وعلى فرن سخن جدا ندخله على درجة حرارة متوسطة ونخلى بالنا عليه مش بياخد وقت على طول لما يشرب كل السوايل اللى فيه ويتحمر وشه يقى استوى
وده شكله لما استوى
بس كده هو طبعا ده برام شتوى تقيل ممكن ياقمر تستغنى عن الكريمة و كمان السمنة بس اللبن والقشدة مهمين فى برام الارز المعمر عشان الطعم
وطبعا لو عجبكم الموضوع ياريت ماتنسوش دعوة ليا حلوة منكم والتقييـــــــــــــــــــم ياسكــــــــــــــــرات
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة