السلام عليكم ورحمة الله وبركاته
اهلا بكل اخواتى الفتوكات …. دى اول مشاركة ليا فى منتدايا الحبيب والحقيقة انا استفدت كتير منكم واتعلمت اكتر …. ورغم انى مشتركه ف المدونة من مدة طويله لكن لم اشارك فيه بأي موضوع …. يمكن لأني مش زيكم مش شاطورة ف المطبخ ولا حاجة …. لكن اللى دفعنى انهاردة انى اشارك انى بدأت اعمل ريجيم من اسبوع وطبعا لازم استخدم بديل السكر ولأني ليا تجربه سابقة معاه حبيت أشاركم في المعلومات اللى وصلتلها عشان تعم الفائده للجميع
انا من خمس سنين عملت ريجيم وكان ناجح جدا وكنت متابعة مع دكتور بهاء الدين ناجى اللي كان بيجي فى قناه الحياة وكنت بدفع دم قلبي علشان اخس وفعلا الريجيم جاب نتيجة هايله وخسيت حوالي 30 كيلو على مدار سنتين بعدها بقى اتجوزت وحملت ورجعت زي ما كنت
المهم خلال السنتين دول كنت بستخدم بديل السكر لانى غاوية اشرب شاي ونسكافيه وكابيتشينوا وشاي بلبن وكل اللى تتخيلوه …. وكنت بشرب براحتى لانى مطمنه انى مش هزيد ف الوزن …. لكن يا حبايبي بعد ما بطلته جاتنى حاله غريبه مكنتش عارفة افسرها فى وقتها …. لكن اكتشفت بعد كدة ان السبب هو بديل السكر
الحاله دى عبارة عن تشوش ف الذهن وعدم التركيز والنسيان والتوهان … تخيلوا
وزادت الحاله دى جدااااااا خصوصا بعد ولادتى … مكنتش بركز خالص واتوه وانسى واحس انى مش بفهم الكلام اللى بسمعه …
ومكنتش فاهمة ايه اللي بيحصلي …. لحد ما ربنا الهمنى انى اقرأ عن أضرار بدائل السكر وعملت بحث ف الموضوع ده واكتشفت ان هو السبب فى حالتى وندمت انى كنت بأخده بس الحمد لله على كل حال
ودى صورة النوع اللى كنت بستخدمه اسمه ماتش شوجر وهو بيحتوى على مادة الاسبرتام الخطيرة
https://encrypted-tbn3.gstatic.com/i…h4I7uN2c3tIPjRاستنونى ف المشاركه الجايه هكتبلكم عن اضرار بديل السكر بالتفصيل
مش هوصيكم تقيموا الموضوع لو عجبكم عشان المعلومه دى توصل للكل والكل يستفيد
نورا76 نورا76 472400_1.gif فتكات هايلة Fatakat 472400 الجيزة – مصر