hالسلام عليكم ورحمه الله وبركاته
انا مشكلتي كبيرة شويتين اولا انا اسمي ميرو عمري 24 سنة الحمد لله متزوجة من سنتين وعندي طفل عمره سنه والحمد لله بحب زوجي جدا ومفيش مشاكل بين اهله واهلي يعني الحياة مستقرة ع الاخر وانا كمان مسافره معاه بلد عربي كنت عايشة فيها قبل كده
وانا في مرحله الثانوي جاتلي حالة كده كنت بخاف اموت واحس ضربات قلبي سريعه جدا ومش قادره اخد نفسي واروح المستشفى ع طول والحمد لله ميطلعش عندي حاجة وحللت انميا وغده درقية والحمد لله مفيش بس انا ضعيفة شوية لا باكل خضار ولا فاكهة
ومع دخولي الجامعه الحالة دي راحت والحمد لله وكنت عايشة حياتي طبيعي جدا والحمد لله بصلي وملتزمة
من كام شهر كده جدي توفى الله يرحمه يارب رجعتلي الحالة دي تاني مع اني كنت مسافرة يعني محضرتش مراسم وفاه او اي حاجة الفترة دي بقى
مشكلتي اني بخاف من الموت بشكل مش طبيعي بالليل بالذات ببقى عاوزة اقعد اعيط واصرخ واحس انت جسمي بينمل واني خلاص هموت وتعبانة جداااااااااااااااااا
وروحت لدكتور نفساني قالي ده هلع وكتابلي مهدات اعيش عليها العمر كله وطبعا خايفة اخدها
مش عارفة اتمتع باي حاجة حياتي حلوة والحمد لله بس والله العظيم مش حسة بيها ناس تقولي حسد وناس تقولي عين وناس تانية تقولي دي بدايات اكتئاب
انا كنت بخرج مع زوجي بحس اني خلاص هموت وانا ف العربية وافضل اعيط واقوله يالله نروح انا هموت وهيحصلي حاجة ووقعت منه ف المول قبل كده وضربات قلبي كانت سريعه جدا فعلا
مش عارفة اعمل ايه بجد ياريت تساعدوني انا نفسيتي ف الارض
ويوم كنت صيمه برده حسيت كده اني هموت ومش قادره اخد نفسي وبرده جسمي اصفر اووي وضربات قلبي زادات
انا نفسي اعيش حياة سوية جدا واتمتع بحياتي وبزوجي وبابني ومش عارفة اعمل ايه
بجد عارفين المثل ال بيقول وقع البلاء ولا انتظاره انا كده تقريبا بمووت ف اليوم الف مره
وال مخوفني اني افضل اتخيل ياترى لو مت هيحصل ايه هشوف ايه هحس بايه اهلي هيعملوا ايه وانا ف القبر هيحصلي ايه
والمفروض ان كنت اسافر مع زوجي مسافرتش لاني بترعب من الطياره بحس اني هموت فيها ومش هيلحقوا ينقذوني
بالله عليكم اقفوا جنبي انا عاوزة اتغير وارجع زي زمان اعيش حياتي تاني واسعد زوجي وابني
اسفة طولت عليكم
لو بتحبي النبي صلي عليه لو بتحبي النبي صلي عليه 167272_1.gif فتكات متميزة Fatakat 167272 ابوظبي – الامارات