عزيزاتى الفتوكات معكم دائماً مراسلتكم rannon
لأواصل البث المباشر لكم من جوة أوضتى العزيزة وتقديم تقرير جديد عن جهازى حبيبى بالصور والأسعار علشان خاطر عيونكم الحلوة
على أمل دائم أن تنال حاجاتى إعجابكم فكونوا معنا ….
ودى لينكات التقارير السابقة للفتوكة اللى تحب تتابع
التقرير الأول
https://fatakat.univanet.com/#2832181
التقرير الثانى
https://fatakat.univanet.com/#2832872
التقرير الثالث
https://fatakat.univanet.com/#2835982
وفى بداية هذا التقرير أحب أقدم نصيحة بسيطة لكل فتوكة أمورة بتجهز ألا وهى ( مش مهم إنتى بتشترى غالى أو رخيص المهم إنك تكونى مقتنعة بكل حاجة بتجبيها وعارفة هتستخدميها إن شاء الله فى بيتك إزاى ….. يعنى الموضوع مش شراء حاجات كتير علشان اهل جوزى يعرفو أن جهازى متكلف الشئ الفلانى …. ويارب جميعاً نفرح بكل حاجتنا فى بيوتنا قريباً بإذن الله )
عودة إلى تقريرنا الجديد
ونبدأ دائماً بسم الله
1- قطاعات بأشكال مختلفة وبأحجام مختلفة ( سعرها 15 جنيه )
2- رشاشة للسكر البودرة ( سعرها 20 جنيه )
3- سكينة تزيين التورتات أو أسمها ترنش بلغة الحلوانية سعرها ( 20 جنيه )
4- معلقة عسل بلاستيك ( سعرها 7 جنيه )
5- قوالب ثلج على شكل نجمة القالب بلاستيك والنجوم سليكون ( سعر القالب الواحد 6 جنيه )
6- هراسة بطاطس ( سعرها 35 جنيه )
7- أداة خلى الزيتون ( سعرها 20 جنيه )
8- سكينة بيد لتقطيع العجين ( سعرها 16 جنيه )
9- هراسة ثوم ( سعرها 35 جنيه )
11- دى بقى أنا بأسميها القطاعةالعملاقة لأنها بتقطع 20 قطعة مرة واحدة عجبتنى أوى أول ما شوفتها لأن أشكالها جميلة بس هيا غالية شوية ( سعرها 74 جنيه )
12- دا ترمومتر للفرن بما أن أفران البوتاجازات الغاز معظمها مفيهوش مؤشر للحرارة ( سعره 23 جنيه )
13- مكبس هامبورجر لعمل أقراص الهامبورجر ( سعره 17 جنيه )
14- طقم مجات 6 قطع ( سعره 33 جنيه )
15- دوارة توابل زجاج ( سعرها 80 جنيه )
16- طقم مجات بالمعالق ( سعره 60 جنيه )
وإلى هنا سيداتى آنساتى الفتوكات نكتفى بهذا القدر من الصور فى تقريرنا اليوم على وعد بالجديد دائماً وطلبى كعادتى فى نهاية كل تقرير …. دعوة بظهر الغيب إن ربنا يرزقنى الزوج الصالح يفرح قلبى عن قريب
وإلى لقاء قريباً إن شاء الله
rannon rannon 437859_16.gif سوبر فتكات Fatakat 437859 جوة أوضتى – فى مصر حبيبتى