طبعا اكل الدايت معروف وثابت فى كل الانظمه تقريبا
واللي بيعملوا دايت لفترات طويله بيجيلهم فتره بيزهقوا من الاصناف دي وساعات كمان بيكرهوها
دي افكار من دكتور أحمد رامي خبير التغذية لكسر روتين الدايت
بس برضه نصيحه مني يا بنات ما تكرروش الحاجات دي اكتر من مرتين فى الاسبوع عشان ما يحصلش ثبات فى الوزن
المربى :
أثناء الدايت يمكن استبدال وجبة الفطار بعدد ٢ ملعقة كبيرة من المربى و ٢شريحة توست سن
الكورن فليكس :
أثناء الدايت يمكن استبدال وجبة الأفطار بطبق متوسط من الكورن فليكس السادة المحلى بكوب لبن خالي الدسم و بملعقة عسل نحل، ولا يشترط أن يكون الكورن فليكس بران ( واحب اضيف هنا بران يعني حبوب كاملة بس ابعدي عن الانواع اللي فيها سكر كتير ) ، حيث يعتبر الكورن فليكس وجبة غذائية متكاملة تحتوى على الكثير من الفيتامينات و الأملاح المعدنية التى يحتاجها الجسم.
الجبنة الرومى :
يمكن استبدال وجبة الفطار بعدد ٢ شريحة جبنة رومى + ٢ شريحة توست سن أو نصف رغيف بلدى.
الكشرى :
أثناء الدايت يمكن استبدال وجبة الغداء بطبق كشرى متوسط، ولكن بدون تقلية وتكون الصلصة مطبوخة بملعقة زيت صغيرة، ويفضل استخدام زيت الأرز في طهى الصلصة.
الحواوشى :
أثناء الدايت يمكن استبدال وجبة الغذاء بواحد رغيف حواوشى، على أن يكون مطهواً فى البيت بلحم أحمر مفروم بدون دهون.
حمص الشام :
أثناء الدايت يمكن استبدال وجبة العشاء بكـــوب كبــيــــر من حمـص الشـام بجـانــب الفــاكهة و للحمص فوائـد عـديـدة فهو يرفع معدل حرق الدهـون و يقلل من الكوليسترول ويمنع الإصابة بمرض السكر وكذلك أمراض القلب والأوعية الدموية. و الحمص مصدر غني بالبروتين والألياف والحديد. وهو يعطي طاقة ويمنع الإصابة بمرض سرطان الثدي.و يا حبذا لو أضفنا إليه الشطة والليمون فى هـذه الحـالة تتضاعف فـوائـده.
البليلة:
أثناء الدايت يمكن استبدال وجبة الافطار بطبق بليلة متوسط الحجم مرتين أسبوعياً
البفتيك :
أثناء الدايت يمكن استبدال وجبة الغداء بشرائح البفتيك المتبلة بالبيض و البقسماط و الملح و البصل و البهارات بأى كمية بجانب السلطة الخضراء أو الخضروات المطهوة بدون دهون و أيضاً بأي كمية و لكن بدون أى نشويات أخرى كالعيش أو الأرز أو المكرونة أو البطاطس .
شيكولاتة نوتيلا :
يمكن اضافة ٢ ملعقة من الشكولاتة نوتيلا إلى نظام الرجيم كبديل لوجبة الإفطار مع عدد ٢ شريحة توست سن أو ١ شريحة توست عادى .
وبكرر تاني يا بنات اي حاجه من دول ما تتكررش اكتر من مرتين اسبوعيا عشان ما يحصلش ثبات فى الوزن
ممكن تختاري حاجه من دول وتعمليها مرتين فى الاسبوع و بعدين الاسبوع اللي بعده تمشي على النظام بتاعك عادي و الاسبوع التالت تختاري حاجه تانيه تكرريها مرتين وهكذا
لو عجبك الموضوع قيمي وسيبيلنا رد عشان الموضوع يفيد اكبر قدر ممكن من الناس
وان شاء الله لو الموضوع فادكم بجد هنزل اجزاء تانيه
امرأة بقلب طفلة امرأة بقلب طفلة 650639_1.gif فتكات هايلة Fatakat 650639 القاهرة – مصر