نبدأ بسم الله عارفين طبعا البفتيك لازم يكون من مكان معين في الذبيحه مش اي حته والجزار بيعملهولك شرايح رقيقه وكده وبيكون اغلي من اللحمه العاديه ☻كان عندي لحمه عاديه عملتها شرايح مش رقيقه زي فيليه الفراخ اللي بنعمله بانيه ومن بالليل نقعته في شويه لبن رايب او معلقه ذبادي ومعلقه زيت زيتون وتوابل ونصف كوب ماء عشان يتلف كويس وحطيته في علبه في التلاجه لتاني يوم
تاني يوم هانطلع شرايح اللحمه ونضيف خلطتنا وهي معلقه نشا كورن فلاور سمعت من شيف هنديه انها بتسرع السوي وكمان معلقه مسطرده وتوابل وملح ومعلقتين لبن رايب ومعلقتين زيت زيتون
هاحط في الدقيق المتبل بملح وفلفل وارجع تاني ع التتبيله وبعدين ع البقسماط المطحون والمتبل برضوا
ما ستخدمتش بيض واغلفهم كويس استخمي خله سنان في التقليب عشان تتجنبي الكلاكيع اللي بتتجمع ع الصوابع
وندخله الفريزر شويه لو حتي عشر دقايق عشان التغليفه دي ما تفصلش بعد القلي ولما نقلي الزيت ما يكونش سخن عشان الطبقه الخارجيه ما تتحرقش واللي جوه ني يكون متوسط الحراره كمان مايكونش غزير زي ما بنقلي بطاطس مثلا لا يكون مغطي الجزء اللي تحت بس عشان اللي فوق ما يتنفخش زي الخبز كده ونقلب لحد ما ياخد لون كويس كده البانيه عمره ما يفصل
تعالوا نعمل الورده الجميله دي هانجيب طماطمايه حلوه ونقشرها بالسكينه كده
بعدين نلف الشريط ده حوالين نفسه زي الورده وممكن تثبتيها من تحت بخله سنان لو حاسه انك مش مسيطره ع الموقف☺
وزيني بيها بقي كل اطباقك اولادي بيتخانقوا مين ياكل الورده
وده بعد اول قطمه وااااو
قطمه كمان عشان تصدقوا انها استوت كويس ☻
وكمان مقطع عرضي للحلوين
اسألكم الدعاء
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله