نبدأ بسم الله هانجيب شرايح صدر فرخه ونتبلها بالاتي معلقه نشا كورن فلاور ومعلقه زيت زيتون ومعلقه مستطرده والتوابل اللي تحبيها وملح طبعا
النشا بيسرع السوي وزيت الزيتون بيخليها طريه والمسترده فيها خل للتعقيم وخردل كمان مفيد جدا والباقي للنكهه
ونلفها بيهم ونسيبها ساعتين وبعدين زي ماحنا حافظين دقيق بيض بقسماط بس مش بالبساطه دي لو عاوزه الغطا مايفصلش عنها لازم نعمل حاجتين
** اولا نسيبها ترتاح شويه في الفريزر قبل القلي
** ثانيا ما نقليش في زيت غزير سخن لازم يبقي الزيت مغطي الوجه اللي تحت بس ومتوسط الحراره
ده البقسماط طاحناه انا في البيت والبيض والحليب عشان يفك البيض بس شويه وطبعا فلفل اسود عشان زفاره البيض ونتبل الدقيق والبقسماط كمان بتوابل وملح بس خلي بالك ماتذوديش الملح وعن نفسي بحب من التوابل هنا الشطه الحمرا فقط بس اعملي جزء من غيرها للعيال
ونباشر عملنا
وعشان ما نعملش كالكيع ع الصوابع كا المعتاد استخدمي في التقليب خله سنان اتنين ها يقوموا بالمهمه
واتفضلوا بسم الله
بطاطس مقليه وسلطه
وكمان للحبايب
كان في شويه قصاقيص صغيره عملتهم برضوا
شايفين المقطع العرضي مستوي وتمام
كل عام وانتم بخير
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله