السلام عليكم حبايب الفتوكات نبدا الكلام بالصلاة علي خير خلق الله عليه الصلاة والسلام
النهاردة انا عملت تشيكن رول مع رز وسلطة بحبها قوي وهي سلطة الفاصوليا بالمايونيز والفلفل الاحمر الحلو
يلا نبداْ نص كيلو فراخ صدور +معلقة مستردة صغيرة +نص معلقة قرفة+ماء بصل ونحتفظ بالبصل
ملح وفلفل+بيض وبقسماط و دقيق+جبنة موتزاريلا وشيدر
نتبل الفراخ بجميع المكونات السابقة وننقعه شوية زي كده
نجهز خضار للحشو عبارة عن كوسة وجزر وبطاطس مبشورين زي كده
ناخد البصل اللي وضعنا مائه للفراخ ونشوحه وبعدين نحط الجزر ثم البطاطس ثم الكوسة وعليهم ملح وفلفل ونغطي يستوا بس مش قوي
وبعدين نجهز زيتون وفلفل رومي و قطع ليمون مخلل وقطع سلامي وممكن سجق انا بقي الحاجات ديه كانت بواقي بيتزا واستخدمتها
ونبداْ الحشو نفرد الفراخ الاول يعني نحطها في كيس وندقها زي البفتيك وبعدين نحشيها
دي اول واحدة حشيتها خضار وجبنةونلفها كده زي الصورة ثم نضعها في دقيق وبيض وبقسماط
ودي حشيتها جبنة وزيتون وسلامي
ودي حشيتها سجق مع جبنة شيدر وموتزاريلا
وبعد البيض والبقسماط وضعتها في الفريزر نص ساعة وبعدين حمرتها
وقدمتها مع رز بالذبيب وسلطة فاصوليا حمراء عبارة عن فاصوليا عليها مايونيز وقطع فلفل احمر
وديه صورة السلطة
انا عارفة انكم اساتذة مطبخ وبتعملوه كتير بس ده بقي هدية للبنوتات اللي عاوزين يتعلموا
طبعا بقي مش هقولكم لو عجبكم قيموني وبلاش تنسوني
مواضيع هذا القسم برعاية
فريدة فى كل شىء فريدة فى كل شىء 591458_22.gif برنسيسة فتكات Fatakat 591458 القاهرة – مصر