بسم الله الرحمن الرحيم
السلام عليكم و رحمة الله و بركاته
اللهم صل و سلم و بارك على سيدنا محمد
اول امبارح عملت شاورما و خبز التورتيلا بطريقتى و الله تحفة و طعمها جنان و عجبت جوزى جدااااااااااااااااااا
و بصراحة دى مش اول مرة اعملها عملتها مرتين قبل كدة و كانت تحفة تحفة و سهلة جدا فقلت اقول الطريقة دى لاخواتى الفتوكات
المقادير للشاورما
نص كيلو لحمة شاورما او لحمة شرايح و انتى قطعيها زى الشاورما
كوب زبادى
بهارات ( فلفل اسمر _ ملح _ كركم _ توم بودر _ بصل بودر _ زنجبيل _ نص ملعقة صغيرة خل _ شطة )
فلفل اخضر
بصل
مقادير العجين
كيلو الا ربع دقيق حلويات منخول
2 ملعقة كبيرة خميرة فورية
1 بيضة
ملح و فلفل و نص ملعقة سكر
لبن او ماء للعجن
الطريقة
الاول حنتبل اللحمة لانها لازم تكون فى التتبيلة مدة مش تقل عن ساعتين و ياريت اكتر علشان تكون متبلة كويس حنغسل اللحمة و نحطها فى بولة كبيرة و نحط عليها كوباية الزبادة و البهارات اللى كتبناها كلها و معاهم نص ملعقة الخل و ندعكها كويس اوى فى بعض و نغطيها بكيس و ندخلها الثلاجة
و بعدين نشتغل فى العجين حنحط الدقيق و نحط عليه الخميرة و البيضة و رشة ملح و فلفل اسمر و نص ملعقة سكر و نعجنها بالماء او اللبن لغاية لما تلم معانا و متكنش بتلزق و بعدين نعملها كور و نحطها فى صينية مرشوشة دقيق و نغطيها علشان تخمر من ساعة لساعة و نص
و دة شكلها بعد العجن ب نص ساعة خمرت شوية
و هنا انا حطيت الصينية اللى فيها العجين جنب الدفاية علشان تخمر بسرعة لان الجو برد جدا و غطيتها ببولة كبيرة
هنا بقى اللحمة و هى متبلة طلعتها من التلاجة بعد ساعتين و نص
و هنا قطعت البصل و الفلفل الاخضر الكوبى شرايح رفيعة علشان تستوى بسرعة
هنا حطيت الفلفل و البصل و بشوحهم مع اللية و شوية زيت كريستال لغاية لما البصل و الفلفل يدبلوا شوية
و بعد ما الفلفل و البصل يدبل بضيف اللحمة المتبلة و نقلب لغاية لما يتجانسوا
و بعدين نضيف شوية مية علشان تستوى لان الفلفل و البصل بياخدوا وقت فى السوا
و هنا الشاورما و هى بتغلى ريحتها تحففففففففة و تجنن
و هنا شربت ميتها
و هنا حضرت خيار مخلل شرايح انا اللى مخللاه و الله كان طعمه جنان و عجب زوجى جداااااااا
هنا بقى العجين خمر شايفين الكور كبرت اوى و كمان لزقت فى بعضها
و هنا جبت صينية كبير عندى و رشيها دقيق علشان افرد فيها العجين
و دى اول كورة عجين اتفردت بس لازم تفرديها كويس علشان متكنش تخينة لازم يكون العجين رقيق و نخلص الكمية كلها
و هنا دهنت طاسة تيفال بنقطة زيت و نحط فيها العجين
بصى هنا انا رفعت حرف الرغيف حتلاقيه احمر اقلبيه بسرعة
شايفين شكله جميل ازاى و يفتح النفس و محمر
و هنا انا حضرت بولة كبيرة علشان اطلع فيها العيش اللى حيخبز و اغطيه علشان مينشفش و تقدرى تلفيه سندوتشات
هنا انا غطيت البولة اللى بطلع فيها العيش اللى بيتخبز اول باول
مواضيع هذا القسم برعاية
ام يوسف الغالى ام يوسف الغالى 388371_16.gif برنسيسة فتكات Fatakat 388371 الاسكندرية عروس البحر الابيض المتوسط – مصر ام الدنيا و افتخر