ارجوكم تكملو قراءة الموضوع كلة واسفة علي الاطالة
عندي وسواس الخوف من المستقبل يعني وسواس عدم الامان
يعني ماما من فترة تعبت واخويا ومراتة كانوا بيطغطوني علشان اراعيها واصرف علي العلاج ومن ساعتها حسيت اننا مش فارقة مع اخويا اهم حاجة عندة ازاي يخلص هوة من المسئولية كنت لسة متجوزة وبشتغل و ماكنتش قادرة اعمل كل اللي مطلوب مني ساعتها حسيت ان محتاجة يبقي عندي حاجة اتسند عليها علشان ما احتجش لحد و من ساعتها حسيت بعدم الامان حتي كان بيقول قدام ماما وهية تعبانة بنتك مش عايزة تصرف عليكي قلت في نفسي طلما بيعمل كدة مع ماما يبقي معايا هيعمل اية لو احتجت لحاجة وكدة اكيد كان خايف لماما تتطول في المرض بس الحمدللة دلوقتي هية بتقدر تعتمد علي نفسها ومن ساعتها بفكر لو عندي اولاد ازاي يبقي معايا مبلغ يضمن لهم مستقبل مع ان ان لسة ما عنديش اطفال
وسواس المرض من ساعة ما ابتدا الضغط العصبي والقلق والهلع والارق والتفكير الكتير وانا بحاول اتغير بس مش عارفة خايفة لو ما اتغيرتش ليحصلي مشكلة نفسية او مرض جلطة او القلب لان بيقولوا الامراض دي بتيجي من الضغط العصبي مش عارفة هل اتاقلم مع شخصيتي كدة وانشاء اللة ما يحصلش حاجة لان التغير صعب
وسواس الخوف من النقد اي حد بينتقدني بزعل اوي في الشغل لما بيحصل النقد ساعتها بفكر اسيب الشغل علشان اخلص من تعب الاعصاب لكن لو قعدت في البيت هبقي شايلة هم ماما وكدة يعني برضو مش هرتاح
وسواس الطموح والرزق نفسي يبقي عندي حاجة اتسند عليها شقة مثلا وكدة ولو سبت الشغل هفكر واقول يا خسارة ياريتني كنت كملت علشان احقق كل اللي في نفسي وخايفة لو سبت الشغل لا ربنا ما يرزقنيش بحاجة تانية
وسواس الحمل خايفة يحصل حمل و البيبي يطلع عندة اعاقة ذهنية لاني خايفة من ان التوتر ممكن ياثر علية هل في واحدة كان عندها كل الوساوس دة و البيبي طلع سليم
عايزة حد يقولي اعمل اية هل اسيب الشغل ولا استمر لاني حتي لو سبتة هشيل هم ماما
هل لو حملت وانا متوترة الطفل ممكن يكون معاق ولا لا ما خفش حتي لو لقيت اني عندي ضغط عصبي هل مش هياثر
موضوع المستقبل ازاي اسيبة علي ربنا
لو ما قدرش اتغير هل اتاقلم علي كدة وما خفش ان الحالة النفسية ممكن تجبلي امراض يعني هل ممكن يحصلي امراض بسبب تفكيري دة ولا عادي خوفي هوة اللي تعبني نفسي اشوف الامور بسيطة وهينة لكن مش عارفة احول التفكير السلبي لايجابي
هل ممكن اعيش كدة مع الوساوس بتاعتي انا رحت لدكاترة وجربت كل جاجة الاسترخاء وغيرة لكن ما فيش فايدة مش عارفة الافكار دي عادية يعني لو ما عرفتش اتخلص منها اشغل نفسي وخلاص ولا اية وهل نعبي دة ناتج عن الخوف ولا لاني لازم اتغير هل لو سبتها علي ربنا ربنا هسيترها و الوساوس دي ما تتحققش حتي لو فضلت كدة يعني لما احمل الموضوع يعدي علي خير والرزق ربنا يبعتوا حتي لو سبت الشغل كلامي ملخبط من كتر الضغط اللي انا فية ومش لاقية حد من اللي حوالية يفهمني وطبعا مش عايزة احكي لجوزي الكلام دة
ورقة البردي ورقة البردي فتكات ست الكل Fatakat 315437 القاهرة – مصر
سبحان الله و بحمده