اولى مشاركاتى,, الفريك بالبشاميل لعشاق التميز

السلام عليكم اخوتى فى الله

مع اول موضوع لى فى المدونة احببت ان اعرض لكم طبقا مميزا وشهيا ماما بتعمله وكانت عرفت طريقته من الشيف اسامة وانا اتعلمته منها وزوجى مكانش بياكل الفريك بس بقى بيحبه بالطريقة دى بس ,,

انا مابحبش الاكل التقليدى اطلاقا ولا بحاول اعمله الا من وقت للتانى لان بصراحة والدتى عودتنا على التميز من زمان..

———-

ندخل بقى فى الموضوع

**المقادير :

(( للبشاميل ))

½ ك دقيق
½ ك زبدة
6 ك حليب
جوز الطيب

(( للفريك ))

فريك
بصل مفروم فرم خفيف
كبد و اوانص
زيت زيتون
مرقة

— المقادير انا باخدها دايما بالنظر وبالخبرة طبعا انا بقالى شهرين ونص بالضبط فى عالم المطبخ حققت فيها نجاحات متعددة يعنى بقيت خبرة

** الطريقة :
للبشاميل _________
تسيح الزبدة على النار، ثم يضاف الدقيق وجوز الطيب.
يضاف الحليب تدريجياً مع الخفق السريع حتى تتمازج المحتويات، وتصبح مزيجاً كثيفاً (( انا بستعمل البشاميل الجاهز بتاع كنور او ماجى لانه اخف وانا مابحبش البشاميل التقيل عامة ))

للفريك_________
-يسخن الزيت على النار، ثم يضاف البصل والأوانص والفريك والمرقة,,تقلب المحتويات حتى تتشرب وتتماسك.
-يوضع القليل من البشاميل في قاع وعاء للفرن، ثم يضاف الفريك بالأوانص.
-يضاف البشاميل، ثم يوضع في الفرن حتى يتماسك ويحمر السطح..

وبالهنا والشفا .. معلش ماصورتش لانى ماكنتش حاطة فى بالى انى هنزله فى موضوع و يارب تجربوا وتقولولى على النتيجة
عايزة تشجيع انا عندى حاجات كتير عايزة انقلهالكم ..

أحبكم فى الله .. مواضيع هذا القسم برعاية

dr*shahd dr*shahd 42441_1.gif فتكات هايلة Fatakat 42441 مع حموزى – جدة-

سبحان الله و بحمده