السلام عليكم و رحمه الله و بركاته
مشكلتى مع خضرة القلقاس الاول كنت باعملها زى الفل لكن مع مجىء زوزو
ما بقاش عندى وقت لعملها
فعايزاة اعرف طريقة سهلة و تطلع طعمها حلو
انا الاول كنت باجيب السلق و الكسبرة اغسلهم و اصفيهم كويس و اقطع الورق بس و اقطعه صغير
و احمره من غير زيت او زبده او سمن من غير حاجة خالص و افضل احمر لما تنشف و تشخلل
و بعدين اجيب ايد الهون و اقعد اصحن بيها لما تبدى تسيل شوية شوية و بعدين اعمل الطشة
و احطها على القلقاس بيبقى لونها زى الملوخية و طعمها جنان
لكن من ضيق الوقت ما باقتش اعملها كده
ناس قالولى اسخن الشوربة و احطها على الورق فى الخلاط و اضربها كويس
لكن طعمها و لونها كانوا
عافاكم اله عنه
و جوزى قالى ماتعملهوش لحد ما تفطمى البنت
نفسى تقولولى على طريقة سهلة و طعمها جميل
غفر الله لكم
مواضيع هذا القسم برعاية
أم ميما و زوزو أم ميما و زوزو 415785_2.gif فتكات رائعة Fatakat 415785 أكتوبر – القاهرة