سلام عليكم
انا ممكن اخد حظر من كتر ماكتبت في قسم الريجيم بس انا قررت اعلنها صراحة اني هحب الحياة اللي بكرهها واللي بالنسبالي سجن كبير بعاقب نفسي بيه في الاكل وزهقت من اني اردد كل يوم نفس النغمة اللي جبتلي الالام اللي خلتني التجأ للاكل ومخلياني احب شكلي وانا كدا
كل يوم بقول مش مشكلة شكلي انا حابة شكلي كدا وانا واثقة اني بضحك على نفسي انا واثقة ان طول ما الانسان عنده هدف هيحققه لكن والله ماعندي هدف بس انا زهقت من الالام النفسية والجسدية المتكررة
قررت انا بكامل قوايي العقلية هعمل محاولة ريجيم غدا وياااااااارب عيني على نفسييييي زهقت ونفسي في حاجة تخليني اتعلق بالحياة ايوا انا كئيبة ايوا انا مدمنة طعام ايوا انا مستعدة اعيش ف عزلة اكتر واكتر بس مش دي الحياة شئنا ام ابينا انا ربنا خلقني ولازم اعيش صح في الدنيا اللي خلقها بقوانينه هو مش بقوانيني انا
انا جوايا كتير والله ومهما اتكلمت مش هيكفي بس قررت اني هفضل اكتب عشان يمكن دا الحل الموجود حاليا حتى لو محدش قراها انا هطلع اللي جوايا ولما اطلعه هقيمه تقييم صحيح بدل ماهو مدفون جوايا
اللهم اجعلني اتقبل الامور على حقيقتها ارني الحق حق وارزقني اتباعه وارني الباطل باطلا وارزقني اجتنابه حببني في الايمان وكره اليا الكفر والفسوق والاسراف والعصيان ..ادعولي
sam_smile sam_smile 580810_1.gif فتكات ست الكل Fatakat 580810 المحلة – مصر