انا فسخت خطوبه وعلي مقربه من فسخ التانيه والسبب اني متاقلمتش مع اي حد فيهم
الاول كان دكتور كنت معجبه بيه بس هو مكنش مديني اي ايحاء انه معجب بيه او عايزني وكان شغله واخده مني طول الوقت لو مكنتش انا اللي اتصل هو ميتصلش ولا يسالش وانا كنت في بداية حياتي شايفه زمايلي خطابهم او اللي ماشين معاهم حيموتوا عليهم وانا خطيبي مش مديني اي شعور انه عايزني
التاني بيشتغل في السياحه شايف البنات عيني عينك وعايش في الجو ده ايز وحده زيهم علشان تملا عينه وطول الوقت بتهتم بنفسها ومعظم تفكيره في الموضوع ده وانا ماعجبتش بيه ولا حبيته نفسي يحتويني ثقافيا وفكريا مش لاقيه فيه التدبر وحسن التصرف او الذكاء
احنا الاتنين كل واح فينا لقي في التاني حاجات كان بيدور عليها لكن برضه ملقاش فيه حاجات تاني عايزها
والحاجات دي مهمه عند كل واحد فينا
انا منكرش ان الخطوبه الاولانيه اثرت عليه كتير واخدت وقت جامد علشان اتخلص من تعلقي بيها
اهلنا بيحاولوا يقربوبنا بس احنا للاسف مووجدين مع بعض علشان اهلنا وعلشان منخسرش الحاجات الكويسه اللي موجوده عند كل واحد فينا
وعلشان انا فسخت مره قبل كده وهو فسخ مرتين
هو صريح بيحط الحقيقه قدامي وبيقولي انه راجع علشان اهله انا مش بقدر اقول اني راجعه علشان اهلي
دلوقتي اكيد كل انسان فيه عيوب ولازم نتقبل الانسان زي ما هو
هل انا حفضل في دوامة اني مش متاقلمه مع الطرف الاخر وكل مره اقول كده والناس مبترحمش
العيب في مين
وكمان انا مش بحب اخسر انسان لان معروف فسخ الخطوبه يعني اقطع علاقتي بالانسان ده
وبعد الفسخ بقعد اغلط نفسي
امي بتقلي انها مشفتش حد زيي وكل الناس مخطوبه وسعيده وبتتجوز وبتكون سعيده برضه
ايه رايكم ممكن الاقي انسان اتاقلم معاه والاقي نفسي معاه
ولا الغلط فيه وخليني في خطيبي اللي انا معاه
ليه اللي يحبنا نبعد عنه واللي ميحبناش نجري وراه
لو حد زي ححايتي او يعرف حد زي يقولي عمل ايه
وجزاكم الله كل خير
shosha ahmed shosha ahmed فتكات نشيطة Fatakat 473195 سوهاج – مصر