السلام عليكم انا بنوتة فى ثانوى يعنى مراهقة كرهت عيلتى كلها مش يعنى كره جامد بس مش عايزة احتك بيهم ولا اقرب ليههم ولا اضيفهم على اى حاجة عندى ولاعمرى اتخيلت انى اكلمهم ع الفيس او انى الاقى رسالة منهم حد بيقولى كل سنة وانتى طيبة المهم هم اناس بحس منهم كبر شوية لو غلط مش يعتذر وكده وبعدين فى اختلاف فى الثقافة الى بينا وكمان جداتى الاتنين صعبين وبابا شديد بس طيب ومام عصيبة جدا وبحس ان كلامها جاموسة كلب حمار فاشلة وكده يعنى وساعات هى بتتكلم عن نفسها انها استحملت من اهل بابا كتير وكده وانا بتخنق منها انها ممكن تتكلم على مرات خالى بشكل مش حلو او وحدة قريبة لينا مرة واحدة يعنى قدام بابا وانا شايفة ان كده مالوش لازمة المهم بقى انا وحيدة اان عندى اصحابى نخرج رحلة مع بعض او عيد وكده المهم لكن مش فى حد افتح قلبى ليه واحكى احلامى اهدافى وكده كمان ماما بتحسسنى ان كل علاقاتى هتنتهى بالفشل مع اصحابى وهى بحسها مش بتقدر لا طموحى ولا اهدافى وكانها ماسكاهالى ذلة يعنى المهم ماما صعبة انا مش عددت بتكلم معاها ولا عن احلامى ولا اى حاجة بجد النهاردة بقى قالت انى لو دخلت طب ممكن تبقى لعنة عليا وابقى فاششلة وكده لانى دبش فى الكلام هى بتحسنى عنيفة نا طيبة بس اللى بيححصل عندنا ستى معاانا فى البيت تحتنا هى امها هى بقى صوتها عالى يعنى ممكن تنادينا من تحت وانا ارد بتخنق هما بيحسوا من نبرة صوتى انى مش رقيقة يعنى انا بكون جاية من درس ووممكن اعمل غدا واحمى اختى وبتخنق وبعدين ستى ماشاء الله ببتحب تعرف كل حاجة خاجرة فين رايحة عند مين طب هاتلى كدا على عينى وراسى اجيب لها اللى هى عايزاة بس بلاش رايحة فين وجاية منين
المهم كمان يعنى ماما تقعد كتير تقول انتى صيدلة بلاش طب وبلاش حد يقول الام عارفة بنتها بلاش الفشل و الجملة ده كرهتها يا جماعة ماما ايه اللى تعرف عنى ماما لاتعرف احلامى ولا انا بحب ايه وبكره ايه ولا تعرف انى بفكر فى ايه تعرف حاجات سطحية زى اصحابى بس مش اسرار اومعلومات جامدة اتخنقت
المهم بقى دلوقتى محدش يقولى انسى كلامها ياججماعة انا وحيدة بجد احساس صعب قاتل مفيش حد اكلمه وامبارح نمت معيطة ماما لو غلطت تفهمنى غلط فى مواقف كتيرة مرة عملت فلفل حار وغسلت ايدى بمية وبعدين حطيتها ع وشى فعينى حرقتنى راحت قالت لى ربنا اداك عقابك ليه كده عشان نسيت اعمل اللحمة وربنا نسيت يا جماعة مرة تانية مش خبطت عليها الباب بس ناديت لان ايدى مش نضيفة كنت بعمل الغدا لازم بقى تحرجنى قدام اخواتى وتهددنى مفيش نت ولا كمبيوتر والاب بتاعى اصلا وهى الحمد لله استتحوذت عليه بقيت لما اسمع خطواتها عل السلم اقفل مش خوفا منها لالانها هتيجى تاخدة عل طول من غير فرصة اقفل اللى فتحته واناا مش ناقصة كلام منها ايه ده موضوع عن الثقة بالنفس ايه ده هى صحيح مش بتتكلم بس هى ساعات بحسها انها عايزة اتصلح فى حاجت مش لنفسى لا لانى بنتها وكده بمس سمعتها لانها كل ماتكلم تقول لى الناس بتقول الناس بتهبب كرهتم كلهم كلهم
مام عايزانى اطلع الاولى وبالتالى مش بقدر اشتكى ولا افضفض من صعوبة مادة ولا درس ولامدرس ولااى حاجة
ياجماعة الغاية لاتبرر الوسيلة يعنى هى لو بتحبنى ماشى مش بالطريقة ده لو كدهي بقى بلاش بقى كتب تربية وكانت الامهات فلحت كلهم
المهم انا اتخنقت هل ممكن اطلع طبيبة لبقة فى التعامل مع الناس وكويسة انا بره البيت حلوة ولكن جواه بتخنق وبتعزل عنهم مش بحب اقعد معاهم ماما الى بتنقدنى فيه بيكون فيها يعنى هى معترضة عل كلامى خلاص هى تبطل عصيبة وكده
انا مش عايزة حد يقول استحليها وكده انا عايزة نصيحه لى انا هل ممكن اكون كويسة وحلوة مع المرضى
هل ممكن انجح فى الكلية
ازاى احس ان ليا حد افضفض معاه هل ممكن اكون صداقات ناجحة
ملحوظة والدى مسافر وانا بعتبرة مسافر واتفاجئ بينا يعنى احنا مش متعودين اننا نرتب السرير ولا النظام ده ولا مام كانت بتكلمنى فى النظافة الشخصية الاالاستحمام بس يعنى المهم بقى بحس بابا لما بيرجع بيكون زى اللى جاى من بره يعنى لابترتب سرير وحياتنا عشوائية طب ماتعلمونا
أعشق التفاؤؤؤل والأمل والحياة أعشق التفاؤؤؤل والأمل والحياة 935065_6.gif فتكات هايلة Fatakat 935065 الشرقية – مصر
سبحان الله و بحمده