السلام عليكم يا احلى فتوكات
انا اول يوم رمضان بالليل كدا قلت لماما بكره الفطار كله عليا
طبعا انا اخرى اعمل رز او سلطه بطاطس شيبسى .. حاجات خفيفه يعنى
بس بصراحه فاجئتهم وبقوا يحلفوا بالاكل ال عملته امبارح
وقعدت اصور كل حاجه عشان حبيباتى الفتوكات
اول حاجه انا عملت ( فراخ كريسبى زى كنتاكى تمام .. مكرونه .. سلطه خضرا .. بطاطس شيبسى .. مايونيز وكاتشب ) وكمان معاهم العصير
ودى صورة توريكم انا عملت ايه
وبعدها اعرفكم كله بالتفصيل الممل الممل
♫♫ اول حاجه الفراخ
قبل السحور بفتره بسيطه طلعت الفرخه من الفريزر وسيبتها تسيح شويه
بعدها جهزت السحور واتسحرنا واستنيت لما يناموا عشان افجر المطبخ براحتى
اول حاجه سلقت الفرخه
جبت حله وحطيت فيها بصله متوسطه وفلفل وشويه مياه وسيبتهم يغلو (( بصى يا قمرايه لو تحبى تحطى ملح وانتى بتسلقيها اوكى مش مشكله بس ف الخلطه مش هتحطى ملح )) وطبعا انا كدا مش شوحت البصله ولا اى حاجه
اول ما غليت المياه حطيت الفرخه وسيبتها حوالى ثلث او نص ساعه
وبعدها طلعتها وسيبتها تبرد عشان اعرف اقطعها .. وياريتنى عرفت هههههههه
على ما بردت كنت قطعت بصله و3 فصوص ثوم كبار تقطيع نونو خالص وحطيت عليهم شويه فلفل (( ولو عندك ثوم وبصل بودره هيكون احلى طبعا بس انا مكنتش لاقيه ))
وبعدها حطيت باقى التوابل ( كركم .. كارى .. ملح .. كمون .. كسبرة مطحونه .. وطبعا كنت حطيت الفلفل ..بهارات .. طحنت ورق لورى وحبهان وحطيتهم .. شويه قرفه .. شويه زعتر .. واى اى اى اى توابل تانيه عندك حطيتها ))
وهنا حطيت نص فنجان خل وعصرت ليمونه كبيرة وقلبتهم سوا
بعدها قطعت الفرخه بعد عناااااااء والله ولا كنت عارفه بتتقطع ازاى (( قطعتها 8 قطع ))
وحشيتها بقا بالخلطه دى .. غرقتها بيها وكمان حطيت تحت الجلد وبين اللحم وكدا يعنى
وحطيت عليها بولة مياه .. يا دوب غطيته كدا
وفوقها حطيت طبق بقا عشان اكتم ع نفسها ههههههههههههه 
وحطيتها بقا ف الثلاجه لحد تانى يوم الساعه 6 كدا
طبعا كل البيت كانوا خايفين وطبعا دا لموهبتى الفذه ف المطبخ والطبخ
فبابا جه يشم ريحتها وبصراحه مصدقش انى انا ال اكون عملت كدا
جبت بقا حله الزيت
ومليتها زيت .. لازم يبقا زيت كتير
وع ما الزيت يسخن
كنت جبت الفيجيتار
حطيته ع الفراخ وظبطها خالص .. وحطيت القطع ف الزيت اعد يتششششش تششش تششش
وبعدها لما هدى كدا قمت مهديه عليه بقا لان خلوا بالكوا الفراخ مسلوقه حوالى ثلاث ارباع سلقه يعنى فعشان تكمل سوا لازم تهدوا عليها
ودى بقا بعد ما طلعت بس والله الصور ظالماها ظالماها ظالماها
ها ايه رايكم ؟؟
ولسه الباقى ف المشاركه الجايه
متنسوش التقييم
والله تعبت جدا ف الموضوع دا وف رفع الصور وف الطبخ وتدمير المطبخ وكدا بقا
يـــ
ـتـ
ـبـ
ــع
مواضيع هذا القسم برعاية
maioia_1996 maioia_1996 615878_3.gif فتكات رائعة Fatakat 615878 ____ مش لازم يعنى ____ – مـصـــــــــــــــــ ام الدنيا ـــــــــــر