انا بكتب بايد وماسكه فكى بالايد التانيه من شدة الالم
انا خلعت ضرس العقل وكان الدكتور اللى متابعه معاه مقرر ان لازم عمليه لانه مدفون بس قالى 700 جنيه وبصراحه المبلغ كان كبير اوى
روحت لدكتور تانى قالى هخلعه من غير عمليه
واقل حاجة ممكن اقول انه عملها
انه سحلنى زى فتاة التحرير
كان ناقص له حاجة واحده -انه يشدنى من شعرى اه والله
المهم اتكسر معاه وطلع عينى مش سنانى
اعمل ايه بقالى 3 ايام باخد مسكنات ومضاد حيوى وبموت من الالم – المشكله ان جوزى مسافر ومينفعش اروح لاى حد
ورقم تليفون الدكتور مش معايا لانه بيشتغل فى مستشفى خاصه فالروشته فيها رقم المستشفى بس
انا تعبانه اوى وسخنه واهملت عيالى خالص ومش قادرة اكل ولا اشرب
ارجوكم حد مر بالتجربه دى وهو معقول بيقعد كل ده يوجع اوى كده
مستنيه ردودكم
الحمد والشكر لك يا رب
احبك ربى 79 احبك ربى 79 images/avatars/pacifier.jpg فتكات متميزة Fatakat 561466 مع اولادى حبايبى – القاهرة