بسم الله الرحمن الرحيم
اهلا بيكم اخواتي في موضوعي المتواضع
انا قررت اكتب الموضوع ده عشان بحكم دراستي ومن الي بشوفه عن اضرار الجراثيم والميكروبات
وانها موجوده في بيتونا بشكل كبير جدا وده طبعا ضرر على اطالفنا واولادنا
فأنا قررت اني اقول على كل الي فهمته واتعلمته لحد الان
عشان من كاتم العلم يؤثم
أولا بقى انا مش هقول عادات من بره او مش موجوده لا للأسف دي موجوده في مجتمعنا المصري
وفي كل بيت من بيوتنا بشكل فظيع ومستفحل
أولها
قلي الزيت اكتر من مره
مش متخليين قد ايه العاده دي خطره جدا ليه بقى ؟؟؟ هقولكم انا
الزيت ده لما نقلي فيه اكتر من مره بيتأكسد يعني معناه انه يدخل الجسم ممكن يكون مركبات ضاره مع
اي مكونات كيميائيه في الجسم
يعني كأننا بنهيأ للمركبات الضاره دي انها تتكون داخل اجسامنا
فمن الاحسن ان الزيت يتقلي فيه مره واحده بس ويترمي بعديها على طول
حتى لو حسيتي انه لسه كويس ونضيف
ثانيا
لما بنستعمل الفوط الي بنشف بيها
ممكن لما حد يستعملها تتبل فاحنا بننشرها ولما تنشف نستخدمها تاني
وده غلط جدا لأن كل الجراثيم الي بتكون على الفوطه من الشخص الاولاني
بتلزق فيها ونيجي احنا نستخدمها تاني
من الأفضل ان الفوطه الي يتنشف بيها تتغسل كويس
او انها تتنشر في الشمس لفتره لا تقل عن ساعتين
ثالت حاجه
لما بنيجي نطبخ اللحمه
وطبعا بنطلعها من الفريزر على طول على مية سخنه او ننقعها في ميه سخنه
عشان تفك بسرعه
ده غلط جدااااا عشان ايه بقى ؟؟؟ عشان اي فيتامينات او معادن في اللحم بتتكسر وبتتدمر عن بكرة ابيها
بالطريقه دي …
رابعا
القهوه بقى للي بيشربوا قهوه
مش هقولكو انها مضره ومش المفروض تتشرب لا لانه مش صح
الصح ان اي شخص ممكن يشربها يعني معندوش امراض ممكن يشربها
وهيا مفيده بتقوي الجهاز العصبي وعضلة القلب بس طبعا باعتدال
يعني ممكن فنجان في اليوم كله
وفي بعض الناس بتمزج القهوه بالحليب وده غلط جدا
لان مواد معينه في القهوه بتتفاعل مع مواد في الحليب
بتعمل خليط معقد بيكون صعب على المعده انها تهضمه او تستحمله
وطبعا اقصد بكده القهوه مش النسكافيه
خامسا
اكل المخلالات بكثره على الأكل أثناؤه او بعده او قبله
ممكن طبعا ناكل مخلالات بس مش بكثره او باعتدال
عشان هيا بتسبب امراض كتير لا حصر لها
وكثرة تناولها بتشحن الجسم بأضعاف أضعاف ما يحتاجه من ملح وده طبعا بيسبب امراض كتيره
ممكن تكون عادات بسيطه وصغيره بس بتأثر علينا وعلى صحة اولادنا
لسه عندي والله كتير وان شاء الله مش هبخل عليكم
بأي حاجه اتعلمها او أعرفها
وياريت انتم كمان كده
معلش طولت عليكم يارب أكون أفادتكم ولو بشئ بسيط
شكرا ليكم
وربنا يحفظنا جميعا ويحفظ بيوتنا من كل امراض وسوء
اختكم عاشقة الجنه
وفي معلومة مضافة من الاخت ام عماره2016 جزاها الله خيرا
شرب الشاى مباشرة بعد الاكل واى سكريات او فواكة بعد الاكل لان باختصار الاكل هيتركن عقبال ما نخلص السهل السريع السكريات الذيذة النتيجة انتفاخ ومشاكل كتيرة—-حاجه تانيهالمايه الى نملاها من الحنفيه لازم نستخدمها لو برة التلاجهمش اكتر من 24 ساعه والاهتتكاثر فيها المكروبات ودة الى هيغير طعمها وريحتها
Asheqat Al Gana Asheqat Al Gana 504277_2.gif فتكات حبوبة Fatakat 504277 القاهره – مصر