السام عليكم ورحمة الله وبركاته
عاملين اية يااحلى فتوكات
كل سنة وانتم طيبين
انا النهاردة والله حسيت انى حموت خلاص
امبارح باليل معرفتش انام خالص من القلق
وكان عندى وجع كدة تحت فضلت صاحية للصبح
والصبح لبست وصحيت جوزى يودينى للدكتورة
بقى يقولى دة يوم اجازة حرام عليكى
وصلنى وكشفت الدكتورة قالتلى انتى مااكتيش صح قلتلها لا
قالولى المفروض تعملى تحليل دم
وبعدها جوزى جة ياخدنى
والدكتورة قعدت تقولى بطلى قلق وتوتر علشان انا شبه عايشة على اعصابى
علشان حصلى اجهاض قبل كدة والحمل دة انذار بالاجهاض وحجز فى المستشفى الحمد لله على كل حال
انا القولون بتاعى تعبان باكل اكل معين
فضلت اقول لجوزى روح اشتريلى الاكل بقى انا جعانة يقولى طيب بعد الصلاة
وفضل بعد الصلاة يحلق ويستحمى
واقوله انا جعانه انزل بقى
فين لما نزل بدات احس انى بدوخ وقلبى ضرباته عالية جدا
جة قالى مالك قلتله حموت سخنلى عيش انا حيغمى عليا
حطلى الاكل وانا باكل لقيت قلبى دة حيقف من الضربات عالية جدا وسريعه
وايدى النبض فى العروق عالى والعروق بدات تزرق ومش عارفة امسك
وبقيت اصوت واقول لجوزى مفيش هواء بيدخل جسمى روحى حتطلع منى
اتخض جوزى واقولهحموت خلاص مش قدرة ووالله حسيت انى بموت خلاص والله
بقيت اروح فى عالم تانى وقمت صليت العصر ونمت وطول ماانانايمة تعبانة وقلبى حيقف من الضربات
انا بقى صحيت شربت عصير واكلت زبادى بس الهبوط تاعبنى والمفروض ميعاد المثبت وخايفة يتعبنى اكتر
وللاسف انى بتغدى مسلوق ومعملتش اكل اكله للغداء
وايدى وجعانى جدا
قولولى بالله عليكم هو كدة ممكن الجنين يكون اتاثر لقدر الله
وممكن اكل اية علشان الهبوط دة واخد العلاج ولا اية
ربنا يخليكم يارب ويسعدكم
ادعولى بالله عليكم ربنا يحفظلى جنينى
عاشقة خطيبها عاشقة خطيبها فتكات ست الكل Fatakat 382379 شرايين حبيبى – قلب خطيبى
سبحان الله و بحمده