**حبيباتى و اخواتى فى الله ورفيقاتى الرشيقات
اعضاء احلى واجمل جروب فى الدنيا كلها**
اولا احب اشكر صاحبه احلى واحن قلب وحبيبة قلبى الكبيييييييييرة ** (حنونة)**
لانها صاحبه هذا الجروب الذى جمعنا سوا فى احلى صحبة فى الله
وبقولها من كل قلبى
جزاكى الله الفردوس الاعلى
وكل الشكر والتقدير والعرفان بالجميل
للجميله
***ام سوسو وموصة***
القائدة العامة للمسابقة و الجروب
والفارسة الحقيقية للجروب
سيدة المهام الصعبة
على مجهودتها الرائعة فى الجروب
وعلى افكارها الممتازة والمتميزة
جزاكى الله الفردوس الاعلى
*************
موضوعنا النهارده
عن نظام
نظام حياه هنتعود عليه
ومش رجيم يحرمنا من اى حاجه
فكرنا كتير ولاقينا احسن حاجه اننا نسهل على اى حد محتاج يفهم نظام اللقيمات
**ده مرجع وملخص لنظام اللقيمات للحالات المختلفه**
أولا : نظام اللقيمات بمفهومه العام
ثانيا : نظام اللقيمات خلال رمضان
ثالثا : نظام اللقيمات للحوامل
رابعا : نظام اللقيمات للمرضعات
اولا : نظام اللقيمات بمفهومه العام بشكل مبسط
*اللقيمات*هو نظام حياه بمعنى ان اللى بينوى يبدأه بيستمر فيه طول عمره ودى حاجه هتكون لا اراديه بعد فتره لان هيحصل تعود على كميه اكل معينه بتدخل المعده اول ما تاكليها بتلاقى نفسك خلاص مش قادره تاخدى لقمه زياده
*رجيم اللقيمات*
مش بيحدد نوعيه الاكل وده مهم فى ان اى حد باي مستوى معيشي يقدر يطبقه لان نوعيه الاكل مش هى الاساس , ولكن الاساس هو كميه الاكل
خليكو معايا …
*سؤالنا بقى ازاى نطبق اللقيمات؟
فى اليوم ليكى 5 لقيمات + وجبه مفرحه
*ومعنى اللقيمات*
اى نوع اكل فى حجم تلت الكف
ودى امثله :
تفاحه – موزه – برتقاله – خياريه – جزرايه (يعنى اى ثمره فاكهه او خضار ) ولو ثمره نوعها صغير زى العنب مثلا تبقا حوالى ¾ كوب منها
ربع رغيف بجبنه – قطعه بيتزا بحجم تلت الكف – قطعه كيك بحجم تلت الكف – او كرواسو – قرص – كعب غزال (يعنى اى حاجه بحجم تلت الكف )
( بس خلى بالك مش مفروض نكرر لقيمه النشويات خلال اليوميعنى مش كل 3 ساعات اكل ربع رغيف لكن ممكن طبعا نكرر لقيمات الفاكهه والخضار اكتر من مره فى اليوم )
كوب نسكافيه –كوب عصير – كوب شاى – كوب لبن
( اى مشروب بيكون لقيمه لما نحط عليه سكر او لبن او طبعا العصاير )
*الوجبه المفرحه*
عباره عن 3 حجات مهمه واساسيه :
اولا طبق سلطه متوسط وعليه معلقه زيت زيتون
ثانيا طبق يحتوى على طعام المنزل قسميه 3 اجزاء:
اول جزء 4 معالق نشويات (ارز او مكرونه او بطاطس او ربع رغيف عيش)
تانى جزء قطعه بروتين مسلوق او مشوى (ربع فرخه صغيره من غير جلد – او قطعتين لحم احمر – او سمكه – او 2 بيضه)
تالت جزء لو موجود خضار مطبوخ مثلا (فاصوليا خضرا – ملوخيه – سبانخ …..) وخليهم بوله صغيره
ثالثاطبق يحتوى على قطعه حلويات بحجم علبه الكبريت (بس هنخلى موضوع الحلويات ده مره او اتنين فى الاسبوع مش كل يوم يعنى )
* فى بقى سرين خطييييييييييرين ومساعدين جدا فى نزول الوزن *
1_ شرب من 2 ل 3 لتر مايه فى اليوم 2_ اكل 3 لوزات او 5 حبات سودانى
*اهميه اللوز او السودانى انه بينشط منطقه الشبع فى المعده لان الطعام الصلب بيبقى فى المعده مده طويله واللوز او السودانى طعام صلب فبينشط منطقه الشبع – نقطه الهاشمى للشبع ودى اكتشفها دكتور محمد الهاشمى – والفايده بقى انك تحسي بالشبع بسرعه ومعدتك متكونش اتملت بالاكل وتنشيط المنطقه دى بتخليكى تعرفى امتى تشبعى شبع حقيقي مش مجرد ملى للبطن وانك تخلصى الطبق اللى قدامك وبس
*اللوز او السودانى بس فقط لا غير مينفعش اى حاجه تحل محلهم
*ومهم اوى انك متشربيش مايه ابدا بعد اللوز او السودانى
* ومعاد اللوز او السودانى يبقى كلقيمه عاديه خلال اليوم او قبل الوجبه المفرحه بساعتين كل نص ساعه باخد 3 حبات لوز او 5 حبات فول سودانى وامضغهم مض غير كامل مش انعمهم قوى علشان يثبتوا فى منطقه الشبع وكه عدد حبات خلال اليوم 12 حبه لوز او 20 حبه فول سودانى وبعد اخر مجموعه منهم بنص ساعه بناخد الوجبه المفرحه عادى
* ترتيب الوجبه المفرحه :
وياريت نبدا الوجبه المفرحه بالمايه وبعدها بنص ساعه نبدا فى الاكل بالترتيب ده :
* السلطه
* البروتين ( الفراخ او اللحمه او السمك او البيض )
* وبعدهم 4 م ارز + بوله الخضار وبالشكل ده هنحس بالشبع ومش هنطلب نشويات زياده .
* نقطات مهمه:
لقيمه الفطار بتبقى لقيمتين مع بعض يعنى مثلا
ربع رغيف بلدى + 4 معالق فول + خيارة ممكن تبدلى الفول بالبيض المسلوق او الجبنة القريش
*بصوا بقى فى قواعد اساسيه لازم اتباعها :*
1_ شرب اى سوائل مايه_شاى_…….. لازم تبعد عن الاكل ب نص ساعه قبل الاكل او بعده 2_ ممنوع اكل اى مقليات اول 3 شهور فى اللقيمات 3_ اى مشروب فيه لبن او سكر يعتبر لقيمه 4_ عدم تكرار لقيمات نشويه خلال اليوم يعنى مش كل 3 ساعات اكل ربع رغيف 5_ الحلويات مره او مرتين بس خلال الاسبوع 6_ الفرق بين كل لقيمه والتانيه من ساعتين ل 4 ساعات وفى بدايه التزامك باللقيمات خلى الفرق بين اللقيمات ساعتين لمده 10 ايام وبعد كده زودى عدد الساعات 7 _ معاد الوجبه المفرحه ممكن فى اى وقت من اليوم بس الافضل انها تكون بدرى قبل النوم بمده كافيه طبعا ويكون بعدها لقيمه خفيفه ممكن زبادى او ربع رغيف + فول او جبنة او نوع فاكهة (ثمرتين ) او فيشار 8_المشروبات : مسموحلك ب 3 معالق سكر فى اليوم
* شرب المايه معادو بيكون امتى؟
اول ما تصحى على الريق خدى كوبيتين مايه وقبل اللقيمات او قبل اكل اللوز قبل الوجبه المفرحه بنص ساعه كوبيتين مايه برضو وبعد اللقيمه او الهابى ميل بنص ساعه على الاقل مش قبل كده يعنى مفيش مايه فى وسط الاكل او بعد الاكل مباشره والسبب ان الاكل الصلب بيفضل فى المعده فتره طويله وبتحسي بالشبع فتره اطول لكن لو شربتى مايه فى وسط او بعد الاكل هيكون الطعام فى المعده اتحول لشبه سائل بالتالى مش هيبقى فى المعده فتره طويله وبالتالى فتره الشبع هتقل
*وفى حاجه مهمه اسمها البنفسجيات*
ايه هى البنفسجيات وايه فايدتها ؟
البنفسجيات هى انواع من الفاكهه والخضار زى: الفراوله – الكرنب البنفسجى – الاراصيا – الرمان – التوت – الزبيب الغامق – البادنجان – العنب الاسود – الكريز ودى ضروريه لفقدان الوزن ولازم تكترو منها وتاخدو منها لقيمات وده كلام نقلا عن الدكتور محمد الهاشمى عليكِ كثرة تناول اللقيمات من الأنواع التي تحتوى على مادة ( الانثو سيانين )، لأنها من أقوى مضادات الأكسدة، مشيراً إلى أنه إذا كان تلوث البيئة عامل أساسي في ضمور الدهون البنية فإن تنشيطها سيكون باستخدام مضادات الأكسدة
والدهون البنيه دى بتساعد على زياده معدل الحرق وهى بتقل نتيجه التلوث واللى بيزودها البنفسجيات دى .
* وده نموذج ليوم عادى بنظام اللقيمات * * نظام ام زيدو واخواتها *
النظام يا قمر هيبقى كالتالى اهم حاجة تفطرى ويكون وقت الفطار بدرى علشان جسمك يحرق اكتر طول اليوم
مثال للفطار:
ربع رغيف بلدى + 4 معالق فول + خيارة ممكن تبدلى الفول بالبيض المسلوق او الجبنة القريش بعد 3 ساعات على الاكثر ناخد سناك خضار ( خيار او خس ) او فاكهة من المسموح (تفاحة مثلا) بعد 3 ساعات على الاكثر نقول مثلا وجبة الغدا :
اى نوع بروتين (فراخ – لحمة – بيض مسلوق ) طبعا كله مسلوق او مشوى فى الفرن من غير دهون ولا جلد + 3 معالق ارز + بوله خضار + طبق سلطه كبير (مهم جداااااااا) ممكن ناخد سناك تانية العشاء :
ممكن زبادى او ربع رغيف + فول او جبنة او نوع فاكهة (ثمرتين ) او فيشار المشروبات : مسموحلك ب 3 معالق سكر فى اليوم مشروبات حارقة للدهون :
مغلى البقدونس – جنزبيل مع قرفة – حبة البركة- شاى اخضر – بردقوش – كمون وليمون
ثانيا : نظام اللقيمات خلال رمضان
(((نظام ام زيدو واخواتها فى رمضان)))
الافطار :
— بعد الاذان شرب 3 اكواب مايه ( 3تمرات باللبن – مايه – شوربة – عصير)
ثم صلاة المغرب والسنه والتسبيح والاكثار من الدعاء –اوعوا تنسونا بالدعاء –::::::::
….الانتظار ربع ساعة قبل التوجه للمائدة….
الافطار
هيكون عبارة عن 4 معالق ارز او نص رغيف بلدى + بوله صغيرة خضار + قطعة بروتين + طبق سلطة كبير +
****
(مسموح بيومين استبدال الارز او العيش بصنف اخر زى قطعة جلاش – او رقاق – مكرونة بالبشاميل وطبعا تكون قطعة صغيرة)
****
بعد الاكل بساعتين مسموح بقطعة قطايف واحدة او قطعة صغيرة كنافة بس يعنى ياريت مش كل يوم او فاكهة
السحور :
4 معالق فول + قطعة جبنة + زبادى+ ربع رغيف
وياريت يكون فى سلطة لانها بديل المايه
الرياضة :
قبل الفطار بساعتين او بعد التراويح
وياريت تكون رياضة المشى
ثالثا : نظام اللقيمات للحوامل
*سناك قبل الإفطار "فى السرير" بدون دهون* "لمنع قيئ وغثيان الحامل"
"3-1 تمرات أو نصف ثمرة تفاح أو 1/2 موزة أو بسكوتة بدون دهون أو 3 حبات فواكه مجففة.
*وجبة الإفطار*
3 ملاعق بليلة باللبن
أو كورن فليكس أسمر بالشوفان والتمر + كوب لبن منزوع الدسم.
أو جبنة قريش مع سلطة خضراء وزيت زيتون + 1/2 رغيف بلدي + كوب لبن خالى الدسم.
أو 3 ملاعق فول مدمس بالزيت والليمون + سلطة زبادي بالخيار + 1/4 رغيف بلدي .
أو 2 بيضة أومليت بالبقدونس وفلفل أخضر + 1/4 رغيف بلدي + كوب لبن منزوع الدسم.
أو شريحة توست اسمر بجبن القريش والزيتون والخيار + كوب لبن منزوع الدسم.
*بين الوجبات*
ثمرة فاكهة الموسم أو زبدية أو علبة لبن رايب أو كوب عصير طماطم أو شرائح خيار وجزر مع برتقالة
*وجبة الغداء*
1/4 فرخة مشوية منزوعة الجلد + شوربة خضار بالعدس الأصفر أو الشوفان + 2 ملعقة أرز + سلطة خضراء.
أو سمكة مشوية فى الفرن + 2 ملعقة أرز + طبق سلطة خضراء.
أو قطعة لحم + شوربة جزر + 4 ملاعق مكرونة بالصلصة الحمراء والمشروم.
أو 2 قطعة صدور دجاج مخلي + 4 ملاعق بطاطس بوريه + سلطة زبادي بالخيار والبقدونس + طبق شوربة طماطم.
أو 2 قطعة دجاج مشوية فى الفرن + طبق خضار (بسلة – بامية – ملوخية – كوسة – بطاطس – فاصوليا خضراء) + طبق سلطة خضراء. أو طبق لوبيا ناشفة أو فاصوليا ناشفة + 3ملاعق أرز بالشعرية
*وجبة العشاء*
( ألبان أو زبادي مع فاكهة )
سلطة فواكه بالزبادي + موز + تفاح مقطع
أو علبة تونة بالماء + سلطة طماطم
أو جين قريش مع الطماطم والخيار
أو جبن قريش مع بطيخ + 1/4 رغيف.
رابعا : نظام اللقيمات للمرضعات
* الافطار *
2 بيضه مسلوقه أو 50 جم بطاطس مسلوقه+ 3 ملاعق فول بملعقه صغيره من زيت الزيتون
½ رغيف خبز أسمر
3 أنواع من الخضر الخضراء ومنها واحده ورقيه كالخس أو الجرجير أو الفجل
1 كوب زبادي أو منتج منتجات اللبن قليل الدسم.
* الغذاء *
فنجان شوربه بدون دسم
طبق كبير سلاطه خضراء
½ دجاجه أو 2 شريحة لحم أو 400 جم سمك أو 100 جم كبده ( ويفضل المسلوق) أو علبة تونه مصفاه من الزيت
3 ملاعق أرز أو مكرونه أو ½ رغيف خبز أسمر
بعد ساعتين
فاكهه
* العشاء *
1 كوب لبن أو لبن رايب +
2 فاكهه من فواكه الموسم
أو طبق كبير فروت سلاد باللبن
hallo4kids hallo4kids 670512_1.gif سوبر فتكات Fatakat 670512 القاهره – مصر