ازيكوا يافتوكات يارب تكونوا بخير كلكوا يارب
انا امبارح كان معاد الكشف ع نبض الجنين والدكتوره عملت سونار قالت مش شايفه حاجه غير كيس وجواه نقطه بيضا وكانت مصممه تعمل السونار المهبلي عشان تطمن بس انا مرضيتش وبعد ضغطها قررت اعمله ولسه يادوب بدخل اوله مستحملتش وقولتلها تشيله لانه كان هيتكسر فشالته واتعصبت اوي وطلبت مني اشعه ع الحمل اللي هو تقريبا السونار ثلاثي الابعاد وبصراحه مطمنتيش خالص ومشيت من عندها وانا هعيط روحت عشان اعمل الاشعه قالولي لازم تبقي شاربه ميه كتير وفعلا شربت وعملتها والحمد لله الدكتور طمني وسمعني النبض وقالي كله تمام وزي الفل ومفيش اي حاجه وسألني ع معاد اخر دوره قولتله 7/4 قالي انتي كده ف الاسبوع السابع و4 ايام بس الحمد لله خرجت من عنده وكاني وبصراحه ف ثانيه روحي رجعتلي من تاني لاني بصراحه عشت لحظات ربنا مايكتبها على حد ابدا
انا دلوقتي بقى عايزه اعرف الدكتوره مشافتش النبض عندها ف السونار ليه هو انا عندي بطن شويه ومكنتش شاربه ميه كتير ممكن يكونوا دول سبب ولا ايه لاني برضه لسه قلقانه ليه مبانش عندها؟؟
يارب حد منكوا يفيدني ويطمني يارب
Mamet Omar Mamet Omar 457709_139.gif فتكات رائعة Fatakat 457709 القاهره – مصر
سبحان الله و بحمده