السلام عليكم
بجد يا بنات عاوزاكو تركزو فى موضوعى و توصلوه لكل اللى تعرفوه
برنامج لازم نفهم على قناة السي بي سي
عامل تقرير عن الميلامين
الميلامين المفروض بيتصنع من مادة الميلامين فورمالدهايد
لكن اللى فى مصر بيستخدمو مادة اسمها يوريا فورمالدهايد أرخص كتير
المادة دى مسببه للسرطان
وامراض الكيله
وامراض اخري كثيييييرة
و جسم الاطفال بالذات بيمتصها و بتغير الصفات الوراثيه ليهم
المادة دى ممنوعه فى القانون
المصانع بتاع الميلامين فى مصر
100 مصنع مرخص
1500 مصنع غير مرخص
و العمال اللى شغالين فى الصناعه دى كلهم عندهم امراض فى الصدر
و العقوبات فى المصانع للى بيتمسك بتكون بسيطة سجن سنة او 2
و اقصي غرامة 20240 حجات بسيطة يعنى
((((الدكتور فى البرنامج قال ان مفيش ميلامين فى مصر )))))
حتى الميلامين الغالى اللى ب 400 جنيه مخلوط بالماددة دى يعنى خطر بردو
و المستورد اللى بيجيبوة دا قالو مش مكتوب عليه مواصفات اصلا
حجات رديييييئه و رخيصه
بجد يا بنات التقرير فوق الممتاز انا لسه بشوفه
انا بستغرب و الله لما تبقي بنت متعلمة و كويسة و جايبه حجات كتير و الاقيها جايبه ميلامين
اللى تقولك اصله شيك
و اللى تقول اصله بيستحمل
مبررات غرييييييييييييبة
فى البرنامج بيقولو الميلامين معروف انه لاستخدام الطبقه الفقيرة
البنات هنا تبقي جايبه صيني و اركوبال و برررررردو الميلامين
يعنى مش فقيرة و لا حاجة
حتى يا ستى لو فقيرة هاتيلك 6 اطباق ازاز كلى فيهم
الحاجة الوحيدة اللى تجيبيها ميلامين صوانى التقديم عشان مش بيتحط فيها اكل بتحطى عليها الكوبيات
بلاش صينيه العشا الميلامين البنات بيجيبوها بيعجنو فيها يعننى منتهى الخطوووورة
بجد يا بنات بلاش تستهونو بالموضوع دا
اهالينا كانو زمان عندهم ميلامين و مجرلهمش حاجة
عشان حاجة زمان كانت بتتعمل بضمير
على رأي ماما ميلامين زمان عامل زى العاج
لما بينكسر كده خامه نضيفه صحيح
و مهما تدعكى فيه بالليفه السلك الطبقه دى مش بتطلع ابدا
اللهم بلغت اللهم فاشهد
ربنا يكفينا كلنا شر الامراض و قله الضمير اللى الناس فيها دى
farida010 farida010 425321_2.gif سوبر فتكات Fatakat 425321 مصر – مصر