نبدأ بسم الله
المقادير :
للرز :
بصله مقطعه مكعبات
2 فص ثوم مفروم
عودين قرفه + 3 قرنفل + 3 حبهان ((الهيل )) + 1 لومي ((الليمون الاسود ))+ قطعه خولنجان
رشه قرفه ناعمه خفيفه
والرز البسمتي طبعا مغسول ومنقوع ربع او نص ساعه
للفراخ :
_فرخه منظفه ومقطعه نصفين
ومتبله بالاتي :
{{عصير ليمون + رشه قرفه + كسبره + فلفل + كمون + معلقه زيت
ملح + كركم + كاري + رز ورد + كبابه + نقطتين صويا صوص
ورشه من ميه زعفران منقوع في ميه سخنه
او عصفر منقوع برضه في ميه سخنه
او نقطتين من الوان الطعام ((الون الاصفر)) }}
_ماء
_بهارات
_فويل
_____________
_____________ الطريقه :
لتسويه الفراخ :
__ نغلي ميه على النار ونحط فيها الاتي :
قطعه خولنجان وورق لورا هيل وقرفه ومستكه وقرنفل و 1 لومي وفلفل
__بعد ما تغلي كويس نغطيها بقطعه فويل مزدوجه
((كأنه الغطا ))
وطبعا هيبقى مزدوج
((عشان يقدر يشيل الفرخه ))
ونخرمها بسكينه جيدا
بس تقريبا الخروم مش باينه
__بعد كده نضع الفراخ المتبله فوق الفويل
المخرم مسبقا واللي تحته الميه المبهره اللي بتغلي
__وبعدين نجيب قطعه فويل اخرى ونغطي الفراخ
ونسبها تستوي ساعه تقريبا والنار عاليه
__وكده بعد ما استوت
لتسويه الرز :
__في حله نشوح البصله وفصين الثوم والقرفه والقرنفل والحبهان
وحبه زبيب ((اختياري))
وممكن تحطي قرن فلفل حامي بس بعد ما تشيلي بذوره
بيدي طعم رهيب وحراره خفيفه
__نحط ميه مناسبه للزر ونسبها تغلي دقيقه
ونضيف رشه قرفه خفيفه وقطعه خولنجان وقطعه لومي والرز
__ونسيبه على نار هاديه بعد ما يغلي ليستوي
__بعد ما استوى والميه نشفت
نولع فحمه
ونروح على حله الرز ونرش عليه اللون الاصفر ((اللي هو من الزعفران او العصفر او الالوان ))
بس ندرجه يعني الاول نحط شويه
وبعدين نضيف نقطتين ميه على اللون عشان يفتح شويه
ونرش وهيبقى مدرج بالشكل ده
__ وبعدين نسيبه دقيقتين وبعدين نقلبه
وتكون الفحمه ولعت نروح نجيب فنجان صغير
ونحط فيه زيت ونحطه في نص حله الرز
ونرمي فيه الفحمه اللي ولعت ونغطي بسرعه الحله
ونسبها عشر دقايق عشان يشم الريحه كويس
__كده يكون الرز جاهز خلاص والفراخ استوت خلاص
ناخد بقه الزيت اللي في الفنجان ده ونرشه على الفرخه
وندخلها تحت الشوايه تاخد لون بس
ونغرف بقه
وبيقدم مع سلطه
1 –زبادي :
زبادي + خيار مبشور + فص ثوم مفروم + رشه فلفل ونعناع مجفف وملح
و :
2 — الصلصه الحاره:
1 طماطم + 2 فلفل حامي + عود بقدونس او كسبره ونعناع اخضر وعصير ليمون وملح و كمون
وكله في الخلااااااااااط
وبألف هنا وشفاااااااااااااااااااااااااااااااا
وياااااااااااااااااااااااااااارب يكون عجبكم مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه