بسم الله الرحمن الرحيم
السلام عليكم ورحمة الله وبركاته
ازيكم يا حلوين يا مقطقطين
وحشتوووووني اوووووووينبدأ بقي بسم الله انا عملت ممبار وربنا يستر
اولا الممبار بيبقي صعب اوي قبل التنضيف وف ناس كتير بتقرف منه وكده معلش بس طعمه الجامد يهون اي حاجه هههه
اول حاجه بعد منغسله كويس جدااااااا من بره ومن جوه لحد ميبقي ابيض خالص و ننقعه مايه وليمون وملح وخل لمدة ساعه
وبعدين نبدأ ف عمل الحشو ونبدأ بالتسبيكه انا صحيح معرفش معنها ايه بس ماما بتقولها كده المهم مكونتها معروفه بس بردو صورتها
وبعد متتسبك نضفلها بهاراتك بقي(فلفل اسود وبهارات مشكله وكمون وشوية زعتر كده)
ونغسل كوب ارز وخضار مشكل (كزبره وبقدونس وشبت ونعناع اخضر بيعطي ريحه حلوه وطعم طبعا )
ونغسل الممبار تاني من الخل وكده ونتأكد تاني انه مفيهوش اي ريحه او لون
ونبدأ نحشي هو مش صعب اوي بش معرفتش اصور وانا بحشي اصلي كنت لوحدي ودي صورته بعد الحشو
ونسلقه منحطوش غير لما المايه تغلي خالص ونوطي عليه النار علشان يستوي من جوه وميتهريش من بره وبعد منتأكد ان استوي نطلعه من المايه علشان ميتهريش مننا وده شكله
هو كش شويه بس مش مشكله
ونحمره بقي ف زيت كتيررررر
وده شكله بعد مخلص وبالهنا والشفاااا وطعمه ايه مقلكوش اتنسف والله
انا تعبت اووووي ف الموضوع ده والله رفعت الصور ع الفيس علشان انزلهالكو ماشي يعني تقيموولي الله يكرمكو وعلشان تشجعوني اعمل اكلات تانيه كمان
يلا بقي ف رعاية الله مواضيع هذا القسم برعاية
om 7amodyy om 7amodyy 841639_5.gif فتكات نشيطة Fatakat 841639 مكه المكرمه – السعوديه