دى أحلى طريقة للممبار فى ناس بتسبكله وفى ناس بتعمله نى فى نى أنا بمزج بين الطريقتين
المقادير
كيلو ممبار بقرى صغير_كيلو أرز _2 كيلو طماطم _نصف كيلو بصل_فلفل رومى وحار حسب الرغبة _خضرة مشكلة _ملح وفلفل وبهارات وتوابل حسب الرغبة
الطريقة
نحضر الممبار واول شىء ننقعه فى ماء وخل لمدة 20 دقيقة قبل تنظيفه وبعد ذلك نقطعه إلى أجزاء أو أصابع من الممبار وبعد ذلك نقلبه
ثم نحضر سكينة ونكحته من الجهتين إلى أن يصبح نظيفا تمااااماااا ثم ننقعه تانى فى ماية بخل لمدة 10 دقائق ونفركه بأصابع اليد علشان لو لسة فى أى شىء متعلق فيه بمعنى لكى نتمم عملية التنظيف للممبار
ثم ننقى الارز ونغسله ونضعه فى المصفا لكى يصفى من مايته تمامااا
ثم نضع البصل مع الفلفل فى الكبة لفرمهم ونضعهم على الارز ثم نقوم بتقطيع ثلاث حبات كبار من الطماطم مكعبات وباقى الطماطم نفرهم فى الكبة علشان تبقى سميكة
ونغسل الخضرة ونقطعها ونضعها على الخليط ثم نضع التوابل
نضع أيضا على الخلطة شوية صلصة طماطم أو طماطم متسبكة علشان تدى الممبار لون حلو
الصور اللى فاتت وضحت خطوات تنفيذ الحشوة بكل وضوح
بعد ذالك نقوم بحشو الممبار بالحشوة اللى نفذناها بس مش نملاه جامد بالرز علشان الرز يستوى كويس وكمان طروف كل ممبارة مش نملاها رز علشان أول لما ينزل فى الماية السخنة الطروف تقفل على الرز
تحذير
ممنوع ربط طروف الممبار هيا الطروف هاتقفل مباشرة عندما نسقط الممبار فى الماء المغلى
وإحنا بنحشى الممبار نكون حاطين حلة بها ماء على النار لتغلى وبعد الانتهاء من الحشو نضع الممبار واحدة واحدة فى الماء المغلى ثم ننكه الماء بالحبهان والزعتر والريحان بس ناجل وضع الملح لحين إكتمال سوا الممبار فعندما يستوى الممبار نظبط الملح وقبل مانطفى النار نطلع الممبار
تحذير
ممنوع ترك الممبار فى الماء بعد مانطفى عليه لكى لا يتفجر بل نخرجه مباشرة بمجرد مايستوى
ثم يحمر الممبار ويقدم بالف هنا وشفا ياااااااااارب على قلوبكم
وحشتونى بجد ووحشنى الموقع بقالى مدة مانزلتش هنا وصفات فى فتكات حبيب قلبى
تقبلوااا فائق تحيااتى beero مواضيع هذا القسم برعاية
عبير الزهور 1983 عبير الزهور 1983 سوبر فتكات Fatakat 181317 مدينة الظباط (الهايكستب) – مصر