اسعد الله ايامكم وزين اوقاتكم بالطاعات
رح نزل اليوم موضوع المسخن اللي كتير بنات سألوني عنو وطلبوه ولعيونكم طبعا عملتو وبطريقة سهلة وسريعة لاني ما بحب التعقيد في الطبيخ وبالاخر النتيجة والطعم واحد.
المقادير:
دجاج مقطع
خبز شراك
سماق
بهارات ملح عصير ليمون
بصل مقطع جوانح
الطريقة:
نبهر الدجاج بالبهارات والسماق والملح والثوم المهروس والفلفل الاسود
جيبي صينية وافردي البصل المقطع ورشي عليه السماق والملح وزيت الزيتون واخلطيه
انا بحب احط رغيف او رغيفين شراك فوق البصل وبعدين بحط الدجاج من فوق وبدخلهم الفرن لغاية ما يستوي الدجاج ومقلكوش عا طعم الخبز لما بيشرب من البصل ومن الدجاج طعمه تحفففففة
هنا جهز للفرن بعدما ضفت كاس ماء محلول بشوربة ماجي او مرق دجاج لو عندك
وهنا بعدما استوى فردت خبز الشراك بصحن التقديم ووزعت الخليط اللي كان تحت الدجاج عا الخبز
حطيت فوقيه الدجاج اللي حمرتو من فوق طبعا وفوقيه الخبز ولو عايزة تحمري الخبز رشي عليه مرق دجاج وارجعي دخلي الفرن بس انا ما بحب تحمير الخبز
بتمنى وصفتي تعجبكم حبيباتي
مواضيع هذا القسم برعاية
الزنبقة الوردية الزنبقة الوردية images/avatars/pacifier.jpg فتكات ست الكل Fatakat 793622 الخليل – روحي فلسطين