ازيكم يا احلى فتوكات قبل ما ابدأ
احب اوجه الشكر لحبيبتى
PrincessRosha
لتعبها فى المسابقه علشان تخرج بالشكل الجميل ده
وطبعا حبيبتنا الغاليه اللى شايله القسم كله
soso1234
ربنا يجعل تعبهم فى ميزان حسناتهم ان شاء الله
صوره تشويقيه
بصراحه المسابفه دى فكرتها جميله جدااااااااااخلتنى
قضيت يوم من اجمل ايام عمرى والله لعب وضحك
مع العيال كان يوم فى منتهى السعاده بجد شكرا
لكل القائمين على عمل المسابقه الجميله دى
انتوا عاوزين ايد بنتى وهى بتعمل انا بقى جبتلكم
ايادى العيالكلها ولاتزعلوا ابدا وبنتى ياسمين ماصدقت
مخلتنيش احط ايدى فى حاجه لولا الامانه بس فردتلها
كويس بالنشابه علشان تبقى رقيقه
وطبعا النصايح الخاصهبالعجن والدقيق هى عرفاها من زمان
وبتعمل معايا على طول بس مكنتش بصورها
عموما انا قلتلها اهم حاجه نوع الدقيق الممتاز
احنا دايما بنستعمل دقيق الحلويات حتىفى المعجنات
لانه بيدى نتيجه كويسه والخميره الفوريه لو نوع جديد
متعرفوش ملقتش مثلا النوع اللى متعوده عليه يبقى
لازم تعمله اختبار الخميره مع شويه سكر لوحدهم فى طبق
وتسيبه شويه ىشوف هيخمر ولا ﻷ اللبن اللى بنعجن بيه
لازم يكون دافى مش سخن ولا بارد دى اهم الملاحظات اللى قلتها لبنتى
انا عملت نوعين معجنات الاول بيتزا ودى عملت منها
بيتزا استافت كراست محشيه الاطراف ز بالجبنه والسوسيس
وعملت منها كمان مينى بيتزا اشكال قلوب ووردات
النوع التانى اصابع الجبنه الرومى المقليه مش
هوصف حلاوتها هسيبكم تشوفوا بنفسكم
نبتدى باسم الله مقادير البيتزا
كيلوا دقيق
نصف كيلوا لبن
بيضه
باكوا خميره فوريه
اقل من نصف كوب زيت او سمن سايل براحتكم
ممكن حبه البركه بس مكنش عندى وكنت مستعجله
نصف معلقه صغيره ملح
لحشو البيتزا
جبنه بيضاء
سوسيس
وجبنه رومى
وفلفل اخضر
وطماطم وصلصه
وزيتون اسود مقطع حلقات
جبنه موتزاريل
االطريقه
تحطى الدقيق عليه الملح والخميره والسمن والبيضه
وتعجنى باللبن لغايه ما تتكون عجينه حلوه زى الصور
ناخد حته من العجينه ونفردها بالنشابه بالسمك اللى بنحبه
ونحطها فى صنيه مدهونه زيت ومش هنفردها لاخر الصنيه
علشان لسه هنعمل الجوانب ونكون مجهزين الصلصه بتاعتنا
انا بحط معلقه صغيره توم مفروم على معلقه زيت على النار
يتشوحوا شويه وبعدين احط الصلصه
بناخد حته تانيه من العجين ونفردها رقيقه ونقطعها بالقطاعه
المدوره علشان نعمل جوانب البيتزا وندهن الدواير صلصه
ونحط حته جبنه انا استخدمت الشيدر وبعديت قطعه سوسيس
ونقفلها كوره صغيره ونحطها ز على حرف صنيه البيتزا
والصور هتوضح كل كلامى ومكونات البيتزا كمان
وهنقطع ظ جزء من العجينه بالقطاعات القلوب والوردات
علشان المينى بيتزا
ياسمين بنتى ابدعت والله المسابقه دى خلتها
تخرج احلى ما عندها ياريت فعلا النوعيات
دى من المسابقات تتكرر هنبتدى نحط الصلصه
الاول على العجينه وبعدين الجبنه البيضاء وبعدها
السوسيس والزيتون وانا عملت واحده عليها طماطم
وواحده ﻷ لان مش ظ كلنا بنحبعليها طماطم لو هنحط
طماطم بحطها قبل الجبنه الرومى علشان لما تسيح بتعمل
طبقه حلوه اوى مع الموزاريلا
واهم ملحوظه فى البيتزا
انك متحطيش الجبنه الموتزاريلا من الاول على البيتزا
يعنى تحطى المكونات كلها وتدخليها الفرن تستوى وقبل
ما تكون هتطلع بحوالى عشر دقايق تطلعيها ز تحطى زعليها الجبنه
الموتزاريلا وتدخليها تانى الفرن تسيح بس على الوش لانك لو دخلتيها
من الاول هتنشف وتتحرق منك على الوش والصور تشرح لنا ولو
انا نسيت اصور وانا بحط الموتزاريلا
ودى المينى بيتزا
ودى الصور بعد الخبز
نجى بقه لصوابع الجبنه المقليه وبعدين هحط صور التقديم
مقادير صوابع الجبنه المقليه
كوب لبن
كوب دقيق
كوب جبنه رومى مبشوره
معلقه كبيره زبده
بيضه
ملح وفلفل
للتغطيه
بيضه
وربع كوب لبن
بقسماط او فيجيتار
قليل من الدقيق
الطريقه
بنحط اللبن على النار ونتبله بالملح والفلفل
ولما يقرب يغلى نضيف الزبده ونقلب بمعلقه خشب كبيره
لما يغلى نهدى النار ونضيف الدقيق شويه بشويه ونقلب
على طول علشان ميكلكعشز لما تخلص كميه الدقيق
وبعدين نضيف الجبنه الرومى المبشوره ونقلب جامد
ونرفعه من عل النار ونسيبه يبرد شويه حوالى عشر دقايق
بعدين نضيف ظ البيضه ونعجن بالمعلقه الخشب
لما تبقى عجينه كويسه معانا نبتدى نشكلها صوابع
ونحطها فى الدقيق وبعدين خليط البيض واللبن المتبل
ملح وفلفل وبعدين البقسماط ونسخن زيت ونبتدى نقلى
مش بتاخد اكتر من عشر دقايق ونطلعها ويفضل تتقدم ساخنه
ومعاكوا الصور بالتفصيل الممل
متروحوووووووش فى اى حته لسه الباقى وتشوفوا
جمالها من جووووووه وهشه ازاى بس لازم تشوفوا
المساعدين الصغيرين بتوعى توأمى هنا وزياد
اوعواااا تنسووووووووا التقيييييييم راجعالكم بسرعه
مواضيع هذا القسم برعاية
سيسو زيزو سيسو زيزو 822446_8.gif فتكات غالية قوي Fatakat 822446 المنصوره – مصر