ازيكوا ياقمرات ….كل سنه وانتوا طيبين بمناسبة شعبان ….ويارب بلغنا رمضان
وبرضة مبروك لكل المصريين …وربنا يهدى الاحوال
النهاردة انا جاية اقولكم على الطبق الجميل ده وهى اللوبيا الناشفة ام عيون سودة طبعا كلنا عارفينها
وبصراحة مهما الواحد نوع وعمل اصناف اشكال والوان يفضل الطبيخ بتاع امى وامك وستى وستك احلى الاكل
وفعلا بيعمر الدماغ والواحد يقوم وهو شبعان كده …وعلى فكرة ولادى بيحبوا الطبق ده جدا ومعاه رز مفلفل
كفاية رغى بقى وتعالوا نشوف الطبق ده وانا هدفى ان القمرات اللى لسه سنه اولى مطبخ يستفادوا
ويارب اكون افادة لهم
دى اللوبيا العسل طبع غسلتها ونقعتها شوية فى المية وبعدين سلقتها وصفيتها
خرطت بصلة
شوحتها على النار فى معلقة سمنة لحد ماتصفر
عصرت الطماطم وصفيتها ونزلت على البصلة
بعد ماشكشكت شوية نزلت باللحمة اللى كنت سلقاها وخليتها تغلى معاها شوية
وطبعا انا ضبطت طعم الصلصة ومعاها معلقة سكر صغيرة عشان ماتكونش لازعة
حطيت اللوبيا
وزودت الصلصة شوية شوربة من بتاعة اللحمة وسبيها على النار تستوى مع بعضها
وادى طبق اللوبيا المتين وعملت جنبة رز ابيض مفلفل ومش عايزة اقول بقى على الطحن اللى حصل
وبكدة اكون خلصت يارب اكون افدت وحد يستفاد من موضوعى
ومش هوصيكوا بقى ايدك على طول على الخمس نجوم عشان النفساوية
مواضيع هذا القسم برعاية
تونة555 تونة555 295489_32.gif Fatakat 295489 الجيزة – مصر