انا يابنات عملت اللازنيا من البدايه
عملت العجينه مقدارها 3 كوب دقيق ومعاهم 4 بيض و3 معالق زيت ونخلى بالنا ان العجينه دى بتبقى ناشفه فى العجن ودى طبيعتها وطبعا لو احتاجتى بيضه بتزودى حسب حجم البيض اللى عندك وده شكلها بعد العجن وارتاحت كمان ربع ساعه وعلى فكره الكميه دى عملتلى صينيتين
وبعدين نقطع العجينه نصين
]ونفردها شويه بالنشابه بس نحافظ تبقى طويله علشان لما نحطها فى المكنه بالشكل ده
ونبتدى نفردها بالمكنه الاول مستوى 7 مثلا وبعدين للاقل مستوى 3 مثلا علشان نوصل للسمك اللى عاوزينه
فردناها وخلصنا نقطع القطع للحجم اللى عاوزينه
ونسلق القطع فى ميه وملح ونحافظ منحطش اكتر من 4 قطع ومش اكتر من 3 دقايق والعلامه ان القطع تطلع على وش الميه ونخرجها على ميه بارده ونفردهم على طرف مصفا وانا علشان عملت العجينه فى يوم وعملتها تانى يوم حطيت مابين كل واحده والتانيه زيت وقطعة كيس علشان متلزقش فى بعض والصور هتوضح
[color="Purple"][size="6"]نيجى بقى لانهاء المهمه طبعا نجهز البشاميل والعصاج انا عصجت اللحمه فى بصل وبعدين حطيت عليهم 4 طماطم مضروبه فى الخلاط مع فص توم لحد لما اتسبكت وجهزت الجبنه رومى وموتزريلا وبالتناوب طبقة بشاميل ورصيت اللازنيا وبعدين العصاج ورشة بشاميل والجبنه ونشوف الصور هتوضح اكتر
وكده خلصنا الطبقات ودى بعد خروجها من الفرن والتقطيع واللى يعجبها الموضوع تدعيلى دعوه حلوه كده وشكرا للى هتقيم واللى مش هتقيم وبجد بجد اللى مش هتجربها هتندم
مواضيع هذا القسم برعاية
قلب روميو قلب روميو سوبر فتكات Fatakat 279001 فى حضن جوزى وبناتى – مصر