السلام عليكم ورحمة الله وبركاتة
ازيكم يا اخواتي ياحبيباتي
وحشتوني اووووي
زمانكم زهقتوا مني مش كدة
كل يوم انزل لكم موضوع للشيف محمد حامد بعد كدة هيفتحوا لي صفحة لوحدي
ههههههههههههه
النهاردا بقي جيبالكم اختراع ياكوتش
طبعا كلكم عارفين الكنافة البورمة اللي بتبقي ملفوفة وجواها مكسرات انها بتتعمل بالكنافة الطرح
يعني لازم تكون الكنافة طازة وقطعة واحدة عشان تعرفي تلفيها
دة غير بقي بتاخد وقت رهيب
الشيف محمد عمل حتة طريقة روووووووووعة
وكنت خايفة اعملها وافشل بس قلت اجرب في حتة صغيرة
والنتيجة طلعت رهيبة واحكمي بنفسك
يلا بينا علي الصور وهيا هتوضح كل حاجة ومش هتاخد منك بالظبط غير 10 دقايق
دة الكنافة فتفتها خالص وحطتها في صانية فرن
ضيفت علي الكنافة السمنة السايحة +شوية زيت ذرة +السكر الباودر
وقلبت الخليط كويس مع بعض
وبقت بالشكل دة
ادخلها الفرن
او تحت الشواية بس لازم تقفي قصادها عشان مش تتلسع
بصراحة انا دخلتها الفرن اصلي كنت بعمل ضاجن وكان والع اصلا
وبعد ماطلعت بقت بالشكل دة
دة مكسرات مشكلة علي جوز هند اختياري
هنا ضفت علي المكسرات شربات تقيل لحد ما المكسرات مسكت في بعضها بالشكل دة
اهم خطوة بقي ركزي معايا
هنضع شربات ثقيل علي الكنافة ونقلبها كويس في الصانية
هنجيب ورق زبدة ونفردها علي الرخامة وندهنها بالسمن ونفرد الكنافة علي شكل مستطيل ونضغط عليها جامد اوووي
انا بقي للاسف مكنش عندي ورق زبدة قلت الجيش بيقولك اتصرف
عملتها بورق فويل
هنا هنضيف المكسرات اللي كنا حاطين عليها الشربات التقيل فكرنها
هنحطها في النصف بالشكل دة
وهنا بقي هنلفها زي البونبوناية او زي السويسرول بالشكل دة
بس اهم حاجة وانتي بتلفي تضغطي جامد عليها عشان متفكش
وهندخلها الفريزر ساعتين ياحلوين
ودة النتيجة بعد الساعتين
وهتقطعيها بالشكل دة
ها اية رايك في اسهل من كدة
وبس كدة
اية رايكم
يارب تكون عجبتكم واللي تعجبة يدعيلي بالله عليكم اخاوي يوسف
وربنا يبارك فيكم ويرزق كل واحدة فيكم كل ما تتمناة باذن الله
والسلام عليكم ورحمة الله وبركاتة
امضاء
صبي الشيف محمد مواضيع هذا القسم برعاية
omyoyo60 omyoyo60 236397_1.gif فتكات غالية قوي Fatakat 236397 القاهرة – مصر ام الدنيا