ازيكم يا قمرات النهاردى جايبى لكم الكشرى اللذيذ من مطبخى العدس ابو جبة
انا اول حاجة بقطع البصل جوانح وافكها من بعضها واجيب حلة واحط فيها زيت كويس واحمر البصل واطلعه بالمقصوصة واروح حطاه فى مصفة مش على ورق مطبخ بتطلع روعة مش شاربة ولا نقطة زيت بالشكل ده وادى طبق ورد بيسموه كده فى محلات الكشرى
والزيت الباقى بعد التحمير بصفية واستخدمه فى باقى الطبخة عشا ما نبقاش هدرنا
بعد كده بحط شوية زيت فى نفس الحلة من اللى صفيته مع بواقى بصل واحط العدس بعد ما يتغسل واحط الميا من غير ملح وقرب ما يستوى نحط الملح لان الملح بياخر السوا ويبقى الشكل ده وطبعا لما يتشرب بنحط له الصاجة ونوطى ولما بيستوى بيبقى كده
وبعدين ندخل على الشعرية والرز بحمر شعرية واحط لها رز فيبقى رز بشعرية كده
وبعدين نسلق المكرونة ونغسلها ونصفيها وتبقى كده
وبعدين نعمل الصلصة نضرب كمية الطماطم اللى عايزينها فى الخلاط وشوية من الزيت اللى صفيته من تحمير البصل وشوية توم يصفروا وبضيف الطماطم واسيبها تتسبك وتبقى احلى صلصة كده
وبعدين بنقص شوية فى طبق واحط لها شطة كثير وتبقى دى الشطة واجيب سلطانية احط فيها خل وكمون وشوية ميا وليمون وقليل من الثوم واسيبهم ربع ساعة وبعدين اصفيها عشان اطلع منها الثوم تبقى اخدت نكهته وفى نفس الوقت ما كلناهوش عشان ريحته فبقى عندى صلصة وشطة ودقة كدهوادى احلى طبق كشرى لاحلى فتوكات
وكده
وكمان كده
وبالف هنا يا قمرات امانة عليكم ما تنسوا التقييم وتعليق جميل زيكم يا قمرات رزقكم الله الفردوس الاعلى وايانا
مواضيع هذا القسم برعاية
Nana_Samy Nana_Samy 135236_6.gif فتكات ست الكل Fatakat 135236 القاهرة – مصر