بون سوااااااااااااار على القمرات
كنت نزلت قبل كدة طرقتى فى الكشرى
بس كانت من غير صور فعملتة امبارح وقولت اما انزلة
بقى بالصور انا عارفة انكوا بتحبوا الصووووور
يالا بينا نبدا
بسم الله
اولا الكميات على حسب الافراد
رز مصرى عدس بجبة طماطم معصورة فريش
تووووووووم مفروم مع قرن فلفل حار
بصلة صغيرة
وبصلتين كبار مقطعين جوانج
مكرونة اسباجيتى ومكرونة صغيرة
ملح وفلفل اسود وبهارات وشطة وكمون
وليمون وخل للدقة
اول حاجة نغسل العدس كويس اوى
ونسلقة فى مية كتيرة بدون اى اضافات
وبعد السلق نصفية ونسيب المية على جنب علشان هنحتاجها
اوعى ترميهاااااااااااااااا
ودى مية العدس
نجيب بقى طاسة ونحط فيها نقطة زيت وحتة صغنونة اوووووى توم
ونشوح فيها العدس مع سنة بسيطة من الملح والفلفل والكمون والبهارات
تانى حاجة الصلصة
نحمر البصلة الصغنونة فى شوية زيت
وبعد ما تصفر نضيف معلقة توم مفروم
وبعد تحمريهم نضيف الطماطم الفريش
ونحط ملح وفلفل وكمون وبهارات ومعلقة خل
نسلق المكرونة فى مية مغلية وملح
الرز بقى هنحمر بصلة تانية صغنونة فى شوية زيت
ونضيف علية الرز المغسول ونقلب دقيقة كدة لحد اما ياخد الرز من لون البصلة
وبعدين نقية بمية العدس اللى كنا شايلنها على جنب
هيبقى لونة جميل اوووووووووووى
اما بالنسبة للبصل الجوانح هنتبلة بملح وشوية دقيق بسيط
وندعكة ونحمرة فى زيت
هيطلع مقرمش وجميييييييييييييل
ودى بقى الشكل النهائى
بنحط المكرونة وبعدين الرز وبعدين العدس والبصل
وبنزين بالعدس من حوالين الطبق
وطبعا طبعا الكشرى ميبقاش كشرى واستحالة اكلة من غير الدقات
بتاعتة وعلى طريقتى كمان
وهنلاقيها فى الرابط دة مع حمص الشااااااااااااام
الشتا ميحلاش من غير حمص الشااااااااااااام ومشتملاتة بالصور
https://fatakat.univanet.com/#400849
وادى الحلو علشان متقلوش انى حرماكوا من حاجة هههههه
بالهنا والشفا
التقيييييييييييييييييييييييييييم يا بنااااااااااااااااااااات
والدعاااااااااااااااااااااء بتيسير الحااااااااااااااااااااااال
::::
مواضيع هذا القسم برعاية
dodo fr dodo fr 49721_35.gif ملكة فتكات Fatakat 49721 بااااااااااريس – فرنسا